|
Leikfélag Hólmavíkur |
|
||
|
|
Á fundinn voru mættir níu manns eða þannig. Síðan las formaður upp skýrslu stjórnar rámri röddu. Tveir sofnuðu næstum á meðan. Spurt var um styrk vegna Jóladagatals. Já, sagði formaður hárri röddu, við fengum styrk. Svo talaði hann svolítið meira, en of hratt. Því næst var talað um hvað sumir væru duglegir að semja leikrit. Síðan las formaður upp reikninga óskýrri röddu enda reikningar ekki endurskoðaðir. Ýmsar athugasemdir voru gerðar en voru kæfðar í fæðingu. Reikningum var hrósað og var almenn ánægja með fjárhag félagsins. Næst var tekin fyrir tillaga að lagabreytingu frá formanni sem las upp ný lög hraðri röddu en nokkuð skýrmæltur þó. Fært var til eitt orð í 5. grein laganna, orðið atkvæði var fært fram fyrir næsta orð sem er úrslitum. Lagabreytingin var samþykkt samhljóða. Lögð var fram tillaga að leikhúsferð og voru fundarmenn nokkuð ánægðir með hugmyndina og ákveðið að komandi stjórn kannaði málið nánar. Rætt var um skemmtidagskrá eða þess háttar, "Bændur í bókmenntum", helst fyrir desemberlok. Nýtt leiklistarnámskeið langar menn að hafa og var ákveðið að reyna að fá Skúla Gautason aftur. Absúrd þýðir raunverulegur fáránleiki. Ákveðið að gera eitthvað í tilefni tíu ára afmælis Leikfélagsins í vor. Ákveðið að hafa morð í leikriti sem á eftir að finna. Ákveðið var að leita að því á námskeiðinu sem verður kannski. Þá var gengið til kosninga og fóru þær þannig að kosningu hlutu: Í aðalstjórn: Einar Indriðason, Salbjörg Engilbertsdóttir, Jón Jónsson, Magnús Rafnsson, Ester Sigfúsdóttir. Í varastjórn: Jón Gísli Jónsson, María Guðbrandsdóttir. Endurskoðendur voru kosnir: Ómar Pálsson og Ásmundur Vermundsson. Stjórnin sér um rest. Fundarstjóri: Jón Jónsson - Fundarritari: Jón Gísli Jónsson
|
||
|
Spakmæli fundarins: „Absúrd þýðir raunverulegur fáránleiki.“ |
|
||
Jón
Jónsson formaður stakk upp á sjálfum sér
sem fundarstjóra og
mér sem fundarritara. Var það samþykkt. Síðan las hann upp
þá félaga sem gengið höfðu í félagið á síðasta ári.