|
Leikfélag Hólmavíkur |
 |
||||||||||||||||||||||||||||||||
|
Djúpavíkurævintýrið er leikgerð Sigurðar Atlasonar upp úr leikriti sem Vilborg Traustadóttir skrifaði og ber nafnið Eiðrofi. Leikritið er frekar átakanleg saga en jafnframt góð lýsing á lífinu í Djúpavík þegar síldarævintýrið stóð yfir og líðan fólksins þegar því lauk. Þetta leikrit er langvíðförlasta sýning leikfélagsins frá upphafi, enda var farið með það í hringferð um landið sem er gríðarlega eftirminnileg fyrir þau fjögur sem það gerðu.
Fyrsta uppsetning verksins var sýnd á Djúpavíkurhátíð 1995. Í þeirri útgáfu var Nanna María Elfarsdóttir í hlutverki Huggu/Guðrúnar og heilmikill söngflokkur undir stjórn Ásdísar Jónsdóttur fylgdi með og söng á milli atriða og eftir sýningu. Þessi útgáfa var líka sýnd þrisvar sinnum í Riis-húsi sem síðar varð Café Riis. Í október 1995 var síðan ákveðið að leggjast í það stórvirki að fara hringferð um landið með Djúpavíkurævintýrið. Árdís B. Jónsdóttir tók að sér hluterk Nönnu Maríu sem var farin í skóla og frumsýnt var 7. október á formannafundi BÍL sem var haldin á Hólmavík. Leikferðin sögulega tók stóð yfir í rúmar tvær vikur og á þeim tíma var sýnt 13 sinnum, víðast hvar við góða aðsókn. Sönghópnum var skipt út fyrir tæknimann sem spilaði lög af bandi og varpaði myndum af Djúpavík á vegg. Mikið tækniundur. Árið 1997 var Djúpavíkurævintýrið síðan æft upp með nýrri leikkonu, Sunnevu Árnadóttur, og sýnt í Kaffileikhúsi á Café Riis og í Laugarhóli í Bjarnarfirði.
- Smellið á myndirnar til að sjá stærri útgáfu - Höfundur: Leikgerð Sigurðar Atlasonar upp úr leikriti Vilborgar Traustadóttur, Eiðrofa. Leikstjóri: Sigurður Atlason Persónur
og leikarar:
Söngflokkur: Ásdís Jónsdóttir, Steinunn B. Halldórsdóttir, Hrafnhildur Guðbjörnsdóttir, Sólrún Jónsdóttir, Ester Ingvarsdóttir, Harpa Hlín Haraldsdóttir, Aðalheiður Ólafsdóttir, Árdís B. Jónsdóttir. Sviðsmynd: Sigurður Atlason Förðun og gerð leikskrár: Sigurður Atlason Ljós og hljóð: Sigurður Marinó Þorvaldsson Sýningar (24): Djúpavík
- 18.ágúst 1995
|
|||||||||||||||||||||||||||||||||
|
Spakmæli verksins: „Ég finn ei gatið á þér Gróa.“ |
|
||||||||||||||||||||||||||||||||
