|
Leikfélag Hólmavíkur |
 |
|||||||||||||||||||||||||||||||||||
|
|
Í leikritinu segir frá Jónatan sem er hinn argasti kvennabósi, á þrjár kærustur sem allar eru flugfreyjur en engin þeirra veit af hinum. Jónatan býr með aldraðri ráðskonu sem passar upp á að ekkert fari úrskeiðis. Þegar Róbert, gamall félagi hans kemur í heimsókn til hans og nýjar hljóðfráar þotur eru teknar í notkun á vinnustöðum kærastanna hans fer allt í stóra flækju sem ekki virðist vera hægt að leysa. Það raknar þó úr hnútnum að lokum.
Sigurður Atlason gerði leikgerð upp úr gamalli bíómynd sem heitir Boeing-Boeing og gaf henni þetta langa en þó athyglisverða nafn. Æfingar fóru fram í hinu ískalda félagsheimili Sævangi. Þær gengu ágætilega fyrir sig. Leikstjóri verksins hafði fáum árum áður leikstýrt Hólmvíkingum í miklu slagsmálaatriði sem birtist í kvikmyndinni Ingaló í grænum sjó. Ekkert var slegist á æfingum að þessu sinni, þó stundum hafi munað litlu. Ómældur tími fór í það á æfingatímabilinu að leita að stifttönn sem Siggi Atla missti út úr sér hvað eftir annað. Tönnin fannst alltaf aftur og er enn í Sigga. Einu sinni missti Siggi tönnina út úr sér á sýningu. Hann sá hana fara út úr sér og taka stefnuna út í sal í fangið á gömlum manni á fremsta bekk. Hann tók þá heljarmikið þrístökk yfir sófann á eftir henni, greip hana í loftinu og brotlenti síðan í sófanum. Til að bjarga senunni ákvað Siggi þá að láta eins og stökkið hefði verið hluti af öllu saman og kom sér mjög makindalega fyrir í sófanum, mótleikara sínum til mikillar furðu, því samtalið hafði verið á rólegu nótunum. Krampakastið kom henni því í opna skjöldu. Sigurður fullyrðir hins vegar að sagan um að tönnin hafi einu sinni spýst upp í mótleikara sé ósönn. Við trúum því. Farið var í allar leikferðir á einkabílum og margt skemmtilegt kom upp á. Eitt af því sem var eftirminnilegast á þessum ferðalögum var kannski ekkert svakalega skemmtilegt. Það gerðist á sýningunni í Króksfjarðarnesi, en þar beinbrotnaði Siggi Atla í lokaatriðinu. Hann lauk við leikinn með miklum harmkvælum og hagmæltur fréttaritari DV gerði hann landsfrægan með skrifum um atvikið.
- Smellið á myndirnar til að sjá stærri útgáfu - Höfundur / leikgerð: Marc Camoletti / Sigurður Atlason Leikstjóri: Ásdís Thoroddsen Leikarar:
María Guðbrandsdóttir, Salbjörg Engilbertsdóttir og Hildur Björnsdóttir. Förðun: María Guðbrandsdóttir, Salbjörg Engilbertsdóttir. Lýsing: Sigurður Atlason, Anna Birna Gunnlaugsdóttir. Búningar: Sunna Vermundsdóttir, Salbjörg Engilbertsdóttir. Sviðsmynd: Sigurður Atlason, Kristbjörg Magnúsdóttir, Atli Engilbertsson, Ásdís Thoroddsen og Sigurður Sveinsson. Sýningar (10): Sævangur
- 29. apríl |
|||||||||||||||||||||||||||||||||||
|
Spakmæli verksins: „Einn koss enn ...“ |
|
|||||||||||||||||||||||||||||||||||
Hvíslarar: