Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Ár 2002 þriðjudaginn 19. nóvember 2002 hélt hreppsnefnd Hólmavíkurhrepps fund á skrifstofu hreppsins og hófst hann kl. 17.00. Varaoddviti Elfa Björk Bragadóttir setti fundinn og stjórnaði honum, en auk hennar sátu fundinn Valdemar Guðmundsson, Eysteinn Gunnarsson, Kristín S. Einarsdóttir og Björn Fannar Hjálmarsson. Einnig sat fundinn Ásdís Leifsdóttir sveitarstjóri. Fundarritari var Engilbert Ingvarsson.

Þetta var gert:

Fram kom tillaga um afbrigði við dagskrá um að 7. mál verði tekið á dagskrá, það er fundargerð skólanefndar Grunnskóla og Tónskóla Hólmavíkur frá 18. nóv. 2002. Afbrigði var samþykkt með öllum atkvæðum.

Varaoddviti kynnti þá dagskrána í 7 töluliðum, sem var eftirfarandi:

• 1. Bréf frá stjórn Ungmennafélagsins Geislans um rekstur félagsmiðstöðvar.

• 2. Fyrirspurn um kaup á Víðidalsá frá Erni Stefánssyni.

• 3. Erindi um stuðning við Snorraverefnið fyrir árið 2002.

• 4. Fundargerðir nr. 51, 55, 56, 57 og 58 frá Atvinnuþróunarfélagi Vestfjarða hf.

• 5. Fundargerð húsnæðisnefndar 13. nóvember 2002.

• 6. Fundargerð heilbrigðisnefndar 25. október 2002.

• 7. Fundargerð Grunnskóla- og Tónskóla Hólmavíkur frá 18. nóvember 2002.

Þá var gengið til dagskrár:

1.         Bréf frá stjórn Ungmennafélagi Geislans um rekstur félagsmiðstöðvar: Borist hefur bréf dags. 31. okt. sl. frá Umf. Geislanum varðandi rekstur félagsmiðstöðvar. Samþykkt var að fela sveitarstjóra að ræða við Gunnlaug Sighvatsson formann félagsins og kanna hugsanlega möguleika á að gera Hótel Matthildi að félagsmiðstöð ungs fólks.

2.            Fyrirspurn um kaup á Víðidalsá frá Erni Stefánssyni: Borist hefur bréf dags. 6. nóvember 2002 frá Erni Stefánssyni frá Hólmavík. Samþykkt var að fela sveitarstjóra að svara bréfinu og geta þess að ekki sé áformað að selja Víðidalsá, en ef það verði ákveðið muni jörðin verða auglýst.

3.         Erindi um stuðning við Snorraverkefnið fyrir árið 2002: Borist hefur bréf dags. 1. nóv. 2002 frá verkefnisstjórn Snorraverkefnis um fjárframlag. Samþykkt var að hafna erindinu.

4.            Fundargerðir nr. 51, 55, 56, 57 og 58 frá Atvinnuþróunarfélagi Vestfjarða hf: Borist hefur bréf dags. 6. nóvember 2002 frá Atvinnuþróunarfélagi Vestfjarða ásamt fimm fundargerðum stjórnar Atvinnuþróunarfélagsins frá 22. maí til 8. október sl. Lagt fram til kynningar.

5.            Fundargerð húsnæðisnefndar 13. nóvember 2002: Lögð fram fundargerð húsnæðisnefndar 13. nóvember 2002. Fundargerðin var samþykkt samhljóða.

6.            Fundargerð heilbrigðisnefndar 25. október 2002: Lögð fram fundargerð heilbrigðisnefndar Vestfjarða frá 32. fundi ásamt gjaldskrá heilbrigðis- og mengunareftirlits Vestfjarða. Gjaldskráin var samþykkt samhljóða.

7.            Fundargerð Grunnskóla- og Tónskóla Hólmavíkur frá 18. nóvember 2002: Lögð fram fundargerð Grunnskóla- og Tónskóla. Þar kemur fram að enginn tónlistarkennari hefur fengist til tónskólans eftir áramót. Fundargerðin samþykkt samhljóða.  

Fundargerð lesin upp og samþykkt. Fleira ekki gert, fundi slitið kl. 18:10.

Engilbert Ingvarsson (sign), Eysteinn Gunnarsson (sign), Ásdís Leifsdóttir (sign), Björn Hjálmarsson (sign), Elfa Björk Bragadóttir (sign), Kristín Sigurrós Einarsdóttir (sign), Valdemar Guðmundsson (sign).

Sveitarstjóri:

Ásdís Leifsdóttir

Sveitarstjórn:

Haraldur V.A. Jónsson

Elfa Björk Bragadóttir

Valdemar Guðmundsson

Eysteinn Gunnarsson

Kristín Einarsdóttir

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur