Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Ár 2002 þriðjudaginn 12. mars var haldinn fundur í hreppsnefnd
Hólmavíkurhrepps. Eysteinn Gunnarsson oddviti setti fundinn og stjórnaði
honum, en auk þess sátu fundinn Birna Richardsdóttir, Daði Guðjónsson,
Haraldur V.A. Jónsson og Elfa Björk Bragadóttir. Auk þeirra sat fundinn
Þór Örn Jónsson sveitarstjóri. Fundarritari var Engilbert Ingvarsson.

Fundurinn var haldinn á skrifstofu hreppsins og hófst hann kl. 17.00.

Þetta var gert:

Oddviti kynnti boðaða dagskrá í 11 töluliðum:

1. Bréf frá Félagsmálaráðuneytinu varðandi tilnefningu í nefnd um sameiningu Kirkjubólshrepps og Hólmavíkurhrepps.

2. Umræður um byggðaáætlun fyrir Vestfirði.

3. Erindi frá Drífu Hrólfsdóttur varðandi afnot af túnum Hnitbjarga.

4. Úthlutun stofnframlaga frá Jöfnunarsjóði sveitarfélaga til
   Hólmavíkurhrepps árið 2002.

5. Bréf frá Sambandi íslenskra sveitarfélaga varðandi aðgengi fatlaðra að kjörstöðum.

6. Ársreikningur Heilbrigðisnefndar fyrir árið 2001, ásamt fundargerð frá 1. mars 2002.

7. Bréf Í.S.Í varðandi mannvirkjavef Íþrótta- og Ólympíusambands Íslands.

8. Fundargerðir Fjórðungssambands Vestfirðinga frá 15. febrúar sl.

9. Umsagnir um frumvörp á Alþingi varðandi varnir gegn landbroti, verndun hafs og stranda og breytingar á lögum um stjórn fiskveiða.

10. Fundargerðir Launanefndar sveitarfélaga frá 23. febrúar 2002.

11. Fundargerð námsgagnastofnunar frá 21. janúar 2002.

Þá var gengið til dagskrár:

1. Bréf frá Félagsmálaráðuneyti varðandi tilnefningu í nefnd um sameiningu Kirkjubólshrepps og Hólmavíkurhrepps. 

Borist hefur bréf dags. 8. mars 2002 frá Félagsmálaráðuneyti, ásamt niðurstöðum af könnun á viðhorfum íbúa Kirkjubólshrepps til sameiningar nágrannasveitarfélaga. Í bréfinu er farið fram á að kosnir verða tveir fulltrúar í nefnd til að koma með tillögur um hvernig að sameiningunni skuli staðið. Elfa gerði tillögu um að Eysteinn Gunnarsson og Haraldur verði kosnir sem fulltrúar Hólmavíkurhrepps í nefndina, það var fellt með þremur atkvæðum gegn tveimur. Birna kom með tillögu um að Eysteinn Gunnarsson og Þór Örn Jónsson verði kosnir í nefndina og var það samþykkt með þremur atkvæðum gegn tveimur.

2. Umræður um byggðaáætlun fyrir Vestfirði.

Málinu frestað þar sem gögn hafa ekki borist.

3. Erindi frá Drífu Hrólfsdóttur varðandi afnot af túnum á Hnitbjörgum. 

Elfa Björk Bragadóttir vék af fundi meðan þessi dagskrárliður var afgreiddur.
Borist hefur bréf dags. 7. mars 2002 frá Drífu Hrólfsdóttur um afnot túna á
Hnitbjörgum. Erindið var samþykkt og sveitarstjóra falið að gera
leigusamning.

4. Úthlutun stofnframlaga frá Jöfnunarsjóði sveitarfélaga til Hólmavíkurhrepps. 

Borist hafa þrjú bréf dags. 11. febrúar 2002 frá Félagsmálaráðuneytinu varðandi stofnstyrki til vatnsveitu og leikskóla og sundlaugar. Samþykkt var að fela sveitarstjóra að vinna áfram að framvindu mála.

5. Bréf frá Sambandi íslenskra sveitarfélaga varðandi aðgengi fatlaðra að kjörstöðum. 

Borist hefur bréf dags. 4. mars 2002 frá Sambandi ísl. sveitarfélaga og bréf dags. 12. mars 2002 frá Öryrkjabandalagi Íslands varðandi aðgengi fatlaðra að kjörstöðum. Lagt fram til kynningar. 

6. Ársreikningur Heilbrigðiseftirlits Vestfjarða fyrir árið 2001, ásamt
fundargerð frá 1. mars 2002. 

Borist hefur ársreikningur Heilbrigðiseftirlits Vestfjarða og bréf heilbrigðisfulltrúa dags. 6. mars 2002 ásamt fundargerð heilbrigðisnefndar frá 28. fundi 1. mars 2002. Lagt fram til kynningar.

7. Bréf Í.S.Í varðandi mannvirkjavef Íþrótta- og Ólympíusambands Íslands.

Borist hefur bréf dags. 21. febrúar 2002 frá Íþr. og Ól.sb. Íslands varðandi
mannvirkjavef um íþróttamannvirki. Lagt fram til kynningar.

8. Fundargerð Fjórðungssambands Vestfirðinga frá 15. febrúar s.l.

Borist hafa fundargerðir stjórnar Fjórðungssambands Vestfirðinga frá 57.
fundi 14. og 15. febrúar og fundi 15. febrúar með þingmönnum Vestfjarða.
Lagt fram til kynningar.

9. Umsagnir um frumvörp á Alþingi varðandi varnir gegn landbroti, verndun hafs og stranda og breytingar á lögum um stjórn fiskveiða. 

Borist hefur bréf dags. 7. mars 2002 frá sjávarútvegsnefnd Alþingis ásamt frumvarpi um breytingu á lögum nr. 38 um stjórn fiskveiða og bréf dags. 27/2 2002 ásamt fumvarpi til laga um verndun hafs og stranda og bréf dags. 22/2 2002 ásamt frumvarpi um varnir gegn landbroti. Lagt fram til kynningar.

10. Fundargerðir Launanefndar sveitarfélaga frá 23. febrúar 2002. 

Borist hefur bréf dags. 25. febrúar 2002 ásamt fundargerð frá 44. fundi
samstarfsnefndar Launanefndar sveitarfélaga og Kennarasambands Íslands.
Lagt fram til kynningar.

11. Fundargerð námsgagnastjórnar frá 21. janúar 2002. 

Borist hefur fundargerð frá 358. fundi námsgagnastjóra. Lagt fram til kynningar.

Hreppsnefndarmenn Kirkjubólshrepps kom kl. 18.00 til að ræða óformlega
um málefni er varða hugsanlega sameiningu Kirkjubólshrepps og
Hólmavíkurhrepps.

Fundargerð lesin upp og samþykkt. Fleira ekki gert, fundi slitið kl. 20.30.

Engilbert Ingvarsson (sign), Daði Guðjónsson (sign), Eysteinn Gunnarsson (sign), Elfa Björk Bragadóttir (sign), Birna Richardsdóttir (sign), Haraldur V.A. Jónsson (sign), Þór Örn Jónsson (sign).
 

 
Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur