Ár 2001, þriðjudag 9. október var haldinn fundur í hreppsnefnd Hólmavíkurhrepps. Eysteinn Gunnarsson oddviti setti fundinn og stjórnaði honum, en auk hans sátu fundinn Birna Richardsdóttir, Daði Guðjónsson, Haraldur V.A. Jónsson og Elfa Björk Bragadóttir. Auk þeirra sat fundinn Þór Örn Jónsson sveitarstjóri. Fundarritari var Engilbert Ingvarsson.

Fundurinn var haldinn á skrifstofu hreppsins og hófst hann kl. 17.00.

1. Kauptilboð ríkisins í hlut Hólmavíkurhrepps í Orkubú Vestfjarða hf.

2. Erindi frá Ágústi Guðjónssyni varðandi bleikjueldi í landi Kálfaness.

3. Samningur við tækniþjónustu Vestfjarða ehf. um mælingar og hönnun gatna.

4. Erindi frá Þorbjörgu Stefánsdóttur varðandi landnytjar í landi Hnitbjarga.

5. Erindi frá kennurum við Grunnskólann á Hólmavík.

6. Fundargerð húsnæðisnefndar frá 26. september sl.

7. Fundargerð Félagsmálaráðs frá 9. október.

8. Bréf frá undirbúningsnefnd að landssamtökum “Landsbyggðin lifi”.

9. Bréf frá Félagi leikskólakennara frá 17. september 2001.

10. Fundargerð heilbrigðisnefndar Vestfjarða frá 28. september 2001.

11. Fundargerð Launanefndar Sveitarfélaga í september 2001.

Þá var gengið til dagskrár.

1. Kauptilboð ríkisins í hlut Hólmavíkurhrepps í Orkubúi Vestfjarða hf.

Borist hefur bréf dags. 3. október 2001 frá Fjármálaráðuneyti og Iðnaðarráðuneyti varðandi undirbúning kaupsamningsgerðar um kaup ríkisins á hlut Hólmavíkurhrepps í Orkubúi Vestfjarða hf. Samþykkt var að fresta málinu og fela sveitarstjóra að vinna að framgangi þess við ráðuneytin Fjármálaráðuneyti og Iðnaðarráðuneyti.

2. Erindi frá Ágústi Guðjónssyni varðandi bleikjueldi í landi Kálfaness.

Borist hefur bréf frá Ágústi Guðjónssyni dags. 2. okt. 2001 er varðar umsókn um aðstöðu fyrir bleikjueldi. Samþykkt var að vísa málinu til byggingar-, skipulags- og umferðarnefndar.

3. Samningur við Tækniþjónustu Vestfjarða ehf. um mælingar og hönnun gatna.

Lagður fram samningur frá október 2001 á milli Hólmavíkurhrepps og Tækniþjónustu Vestfjarða ehf. varðandi mælingar og hönnun gatna. Samþykkt var að bæta inn í samninginn endurskoðunarákvæði eftir 1. áfanga, að öðru leyti var samningurinn samþykktur.

4. Erindi frá Þorbjörgu Stefánsdóttur varðandi landnytjar í landi Hnitbjarga.

Borist hefur bréf dags. 4/10 2001 frá Þorbjörgu Stefánsdóttur varðandi beiðni um að fá afnotarétt á ákveðnu landssvæði í landi Hnitbjarga og Víðidalsár til að koma upp æðarvarpi og auka fuglalíf. Samþykkt var að verða við erindinu með þeim skilmálum að gerður verði leigusamningur til 10 ára með 6 mánaða gagnkvæmum uppsagnarfresti.

5. Erindi frá kennurum við Grunnskólann á Hólmavík.

Borist hefur bréf dags. 5. október 2001 frá kennurum við Grunnskólann á Hólmavík varðandi kaup á fartölvum til notkunar í starfi sínu í skólanum. Samþykkt var að fela sveitarstjóra að kanna málið og afla upplýsinga.

6. Fundargerð húsnæðisnefndar frá 26. september sl.

Lögð fram fundargerð húsnæðisnefndar frá 26. september. Fram kemur hækkun á húsaleigu í leiguíbúðum hreppsins og samþykkt var að leiga hækki frá 1. nóvember, svo breytt var fundargerðin samþykkt samhljóða.

7. Fundargerð Félagsmálaráðs frá 9. október.

Lögð fram fundargerð félagsmálaráðs frá 9. október. Fundargerðin var samþykkt samhljóða.

8. Bréf frá undirbúningsnefnd að landssamtökunum “ Landsbyggðin lifi”.

Borist hefur bréf dags. 4. júlí 2000 frá Fríðu Völu Ásbjörnsdóttur fyrir hönd undirbúningsnefndar að landssamtökunum “Landsbyggðin lifi”. Samþykkt var að verða ekki við erindinu.

9. Bréf frá Félagi leikskólakennara frá 17. september 2001.

Borist hefur bréf dags. 17. sept. 2001 frá Félagi leikskólakennara ásamt samþykktum frá fulltrúaráðsþingi félagsins. Lagt fram til kynningar.

10. Fundargerð heilbrigðisnefndar Vestfjarða frá 28. september 2001.

Borist hefur bréf dags. 1. okt. 2001 frá Heilbrigðiseftirliti Vestfjarða ásamt fundargerð frá 24. fundi Heilbrigðisn. Vestfj. Lagt fram til kynningar.

11. Fundargerð Launanefndar sveitarfélaga í september 2001.

Borist hefur bréf ásamt fundargerð 50. fundar samstarfsnefndar leikskólakennara og “kjarna” stéttarfélags opinberra starfsmanna o.fl. Lagt fram til kynningar.

Fundargerð lesin upp og samþykkt.

Fleira ekki gert, fundi slitið kl. 19.05.

Engilbert Ingvarsson (sign), Elfa Björk Bragadóttir (sign), Eysteinn Gunnarsson (sign), Haraldur V.A. Jónsson (sign), Birna Richardsdóttir (sign), Þór Örn Jónsson (sign), Daði Guðjónsson (sign).