Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Árið 2000 þriðjudaginn 12. desember var haldinn fundur í hreppsnefnd Hólmavíkurhrepps. Birna Richardsdóttir varaoddviti setti fundinn í forföllum oddvita, og stjórnaði honum. Ennfremur sátu fundinn Haraldur V.A. Jónsson og Elfa Björk Bragadóttir ásamt varamönnunum Má Ólafssynir og Dagnýju Júlíusdóttur. Þór Örn Jónsson sveitarstjóri sat einnig fundinn. Ritari var Engilbert Ingvarsson.

Fundurinn var haldinn á skrifstofu hreppsins og hófst hann kl. 17.00.

Þetta var gert:

Oddviti kynnti eftirfarandi auglýsta dagskrá:

1. Ný reglugerð um holræsi og holræsagjöld í Hólmavíkurhreppi.
2. Ný gjaldskrá fyrir vatnsveitu Hólmavíkur.
3. Kynning á stöðu mála er varðar breytingu á Orkubúi Vestfjarða í hlutafélag.
4. Kynning á reglugerð um bókhald og ársreikninga sveitarfélaga.
5. Samningur Hólmavíkurhrepps við svæðisvinnumiðlun Vestfjarða, vegna atvinnuleysisskráningu fyrir árið 2001.
6. Erindi frá Náttúruvernd ríkisins er varðar náttúruverndar-áætlun.
7. Fundargerð skólanefndar Grunnskóla og tónskóla Hólmavíkur.
8. Skjólskógar á Vestfjörðum ásamt fundargerð Félags skógarbænda á Vestfjörðum frá 2. september 2000.
9. Fundargerð Heimbrigðisnefndar Vestfjarða frá 2. desember s.l.
10. Fundargerð Launanefndar sveitarfélaga frá 15. nóvember 2000.
11. Fundargerðir Lífeyrissjóðs starfsmanna sveitarfélaga frá 20. júní, 5. september og 10. október 2000.
12. Kynningarefni frá Félagi íslenskra uppeldis-og meðferðarstofnana fyrir börn og unglinga.

Þá var gengið til dagskrár:

1. Ný reglugerð um holræsi og holræsagjöld í Hólmavíkurhreppi. Lögð fram reglugerð um holræsi og holræsagjöld í Hólmavíkurhreppi. Reglugerðin var samþykkt samhljóða og verður send félagsmálaráðherra til staðfestingar.

2. Ný gjaldskrá fyrir vatnsveitu Hólmavíkur. Lögð fram ný gjaldskrá fyrir vatnsveitu Hólmavíkur í samræmi við 16. gr. rgl. nr. 620/1991 fyrir vatnsveitur sveitarfélaga sbr. 7. og 8. gr. laga nr. 81/1991 um vatnsveitur sveitarfélaga. Gjaldskráin var samþykkt samhljóða og verður send félagsmálaráðherra til staðfestingar.

3. Kynning á stöðu mála er varðar breytingu á Orkubúi Vestfjarða í hlutafélag. Borist hefur bréf frá Fjórðungssambandi Vestfjarða dags. 30. nóvember 2000, ásamt ljósriti frá Félagsmálaráðuneyti dags. 30. nóvember 2000, varðandi málefni O.V. Lagt fram til kynningar.

4. Kynning á reglugerð um bókhald og ársreikninga sveitarfélaga. Borist hefur Reglugerð um bókhald og ársreikninga sveitarfélaga ásmat minnisblaði dags. 29. nóvember 2000 frá Félagsmálaráðuneyti. Lagt fram til kynningar.

5. Samningur Hólmavíkurhrepps við svæðismiðlun Vestfjarða, vegna atvinnuleysisskráningu fyrir árið 2001. Borist hefur samningur um atvinnuleysisskráningu dags. 27. nóvember 2000 ásamt bréfi dags. sama dag frá Svæðisvinnumiðlun Vestfjarða. Samningurinn var samþykktur samhljóða og sveitarstjórn falið að undirrita hann.

6. Erindi frá Náttúruvernd ríkisins er varðar náttúruverndaráætlun. Borist hefur bréf dags. 5. desember 2000 frá Náttúruvernd ríkisins. Lagt fram til kynningar.

7. Fundargerð skólanefndar Grunnskóla og tónskóla Hólmavíkur. Lögð fram fundargerð Grunnskóla og tónskóla Hólmavíkur frá 6. desember 2000. Fundargerðin var samþykkt samhljóða.

8. Skjólskógar á Vestfjörðum, ásamt fundargerð Félags skógarbænda á Vestfjörðum frá 2. september 2000. Borist hefur bréf dags 27. nóv. 2000 frá Skjólskógum á Vestfjörðum, ásamt bréfi dags. 22. nóvember 2000 frá félagi skógarbænda ásamt fundargerð félagsins frá 2. september 2000 með drögum að lögum fyrir Félag skógarbænda á Vestfjörðum sem samþykkt voru á stofnfundinum. Hólmavíkurhreppur er í Félagi skógarbænda á Vestfjörðum og greiðir árgjald.

9. Fundargerð Heilbrigðisnefndar Vestfjarða frá 2. desember s.l. Borist hefur bréf dags. 4. desember 2000 frá Heilbrigðiseftirliti Vestfjarða ásamt fundargerð Heilbrigðisnefndar Vestfjarða frá 18. fundi 2. desember 2000.

10. Fundargerð Launanefndar sveitarfélaga frá 15. nóvember 2000. Borist hefur fundargerð 154. fundar frá 15. nóvember 2000 frá Launanefnd sveitarfélaga.

11. Fundargerð Lífeyrissjóðs starfsmanna sveitarfélaga frá 20. júní, 5. september og 10. október árið 2000. Borist hafa þrjár fundargerðir frá 20. júní til 5. september frá Lífeyrissjóði starfsmanna sveitarfélaga. Lagt fram til kynningar.

12. Kynningarefni frá Félagi íslenskra uppeldis-og meðferðarstofnana fyrir börn og unglinga. Borist hefur bréf dags. 1. desember 2000 frá Félagi íslenskra uppeldis- og meðferðarstofnana fyrir börn og unglinga með kynningarefni um starfsemi félagsins.

Fundargerð lesin upp og samþykkt.

Fleira ekki gert, fundi slitið kl. 18:45.

Engilbert Ingvarsson. (sign) Haraldur V.A. Jónsson. (sign) Birna Richardsdóttir. (sign) Elfa Björk Bragadóttir. (sign) Már Ólafsson (sign) Þór Örn Jónsson (sign) Dagný Júlíusdóttir (sign)

 
Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur