Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Árið 2000 þriðjudaginn 28. nóvember var haldinn fundur í hreppsnefnd Hólmavíkurhrepps. Eysteinn Gunnarsson oddviti setti fundinn og stjórnaði honum, en auk hans sátu fundinn, Birna Richardsdóttir, Haraldur V. A. Jónsson og varamennirnir Þorsteinn Sigfússon og Höskuldur B. Erlingsson. Auk þess sat fundinn Þór Örn Jónsson sveitarstjóri. Ritari var Engilbert Ingvarsson. Til fundarins mætti Jón E. Alfreðsson kaupfélagsstjóri til viðræðu um 1. dagskrárlið. Fundurinn var haldinn á skrifstofu hreppsins og hófst hann kl. 17.00.

Þetta var gert:

Varaoddviti kynnti eftirfarandi dagskrá:

1. Kynning á tillögu um breytingar á "Gamla kaupfélagshúsinu" í hótel.
2. Umsagnir um frumvörp og breytingatillögur, sem liggja fyrir Alþingi.
3. Ákvörðun um álagningarhlutfall útsvars í Hólmavíkurhreppi fyrir árið 2001.
4. Ákvörðun um álagningu fasteignagjalda í Hólmavíkurhreppi fyrir árið 2001.
5. Ný reglugerð um holræsi og holræsagjöld í Hólmavíkurhreppi.
6. Ný gjaldskrá fyrir vatnsveitu Hólmavíkur.
7. Bréf frá Súðavíkurhreppi er varðar eignarbreytingu á Orkubúi Vestfjarða.
8. Breyting á kjarasamningi og nýr kjarasamningur Launanefndar sveitarfélaga við Alþýðusamband Vestfjarða og B.S.R.B ofl.
9. Fundargerð sundlaugarnefndar Hólmavíkurhrepps frá 17. nóvember 2000.
10. Fundargerð almannavarnarnefndar Strandasýslu frá 9. nóvember 2000.
11. Ársreikningur Skólaskrifstofu Vestfjarða fyrir árið 1999.

Ennfremur bar oddviti fram tillögu um afbrigði um að bæta við 12. dagskrárlið og var það samþykkt samhljóða:

12. Framlög til atvinnuþróunarfélags.

Þá var gengið til dagskrár:

1. Kynning á tillögu um breytingu á "Gamla kaupfélagshúsinu" í hótel. Jón E. Alfreðsson kaupfélagsstjóri kynnti sundurliðaða kostnaðaráætlun um endurbyggingu "Gamla kaupfélagshússins" og Höfðagötu 1 með það fyrir augum að breyta þessum húsum í hótel. Kaupfélagsstjóri gerði grein fyrir verulegum samdrætti á notkun Gamla kaupfélagshússins og því hefðu kom fram hugmyndir um að nýta þetta húsnæði fyrir framtíðarstarfsemi. Kaupfélagsstjóri taldi vænlegast að mynda starfshóp til að athuga um framvindu málsins og óæskilegt að kaupfélagið eitt stæði að undirbúningsvinnu og nauðsynlegt að fá hlutafé og samstarfsaðila um rekstur, ef stofnun hótels ætti að verða að veruleika. Hreppsnefnd samþykkir að taka þátt í störfum undirbúningsnefndar um athugun á hótelbyggingu og félagi um rekstur ásamt fulltrúum frá Kaupfélagi Steingrímsfjarðar og tilnefnir Þór Örn Jónsson sveitarstjóra sem fulltrúa hreppsins í nefndina. Bókun um 1. dagskrárlið lesin upp. Jón E. Alfreðsson vék af fundi.

2. Umsagnir um frumvörp og breytingatillögur sem liggja fyrir Alþingi. Borist hefur til umsagnar frumvörp frá Alþingi um breytingu um tekjustofna sveitarfélaga, um breytingu um tekjuskatt og eignarskatt, um vatnsveitur sveitarfélaga og tillögu til þingsályktunar þingskjal 47 um samgöngubætur á Vestfjörðum.

3. Ákvörðun um álagningahlutfall útsvars í Hólmavíkurhreppi árið 2001. Samþykkt var að álagningarprósenta útsvars á Hólmavíkurhreppi 2001 verði 12,70 %

4. Ákvörðun um álagningu fasteignagjalda í Hólmavíkurhreppi fyrir árið 2001. Samþykkt var eftirfarandi samhljóða: Álagning fasteignaskatta verið eftirfarandi árið 2001:

1. Íbúðarhúsnæði 0,36 % af fasteignamati.

2. Atvinnuhúsnæði 1,32 % af fasteignamati.

Af íbúðarhúsnæði þeirra sem náð hafa 67 ára aldri er felldur niður fasteignaskattur hjá þeim sem búa í eigin húsnæði og ef annað hjóna hefur náð þeim aldri.

Vatnsgjald:

Á eignir samkv. A-lið 0,280 %
Á eignir samkv. B-lið 0,280 %
Aukavatnsgjald kr. 13,33 pr. m3.

Holræsagjald:

Á eignir samkv. A-lið 0,20 %
Á eignir samkv. B-lið 0,20 %

Sorphreinsunargjald/tunnuleiga:

Á eignir samkv. A-lið kr. 6.000,-
Á eignir samkv. B-lið eftir magni.

Lóðarleiga:

Á eignir samkv. A-lið 2% af fm.
Á eignir samkv. B-lið 2 % af fm.

Gjalddagar verði 9.

5. Ný reglugerð um holræsi og holræsagjöld í Hólmavíkurhreppi. Samþykkt var að vísa málinu til annarrar umræði.

6. Ný gjaldskrá fyrir vatnsveitu Hólmavíkur. Samþykkt var að vísa málinu til annarrar umræðu.

7. Bréf frá Súðavíkurhreppi er varðar eignarbreytingu á Orkubúi Vestfjarða. Borist hefur bréf dags. 15. nóvember 2000 frá Súðavíkurhreppi með samþykkt á fundi hreppsnefndar Súðavíkurhrepps þann 14. nóvember s.l. er varðar eignarbreytingu á Orkubúi Vestfjarða og fyrirvara hreppsins.

8. Breyting á kjarasamningi og nýr kjarasamningur Launanefndar sveitarfélaga, Alþýðusamband Vestfjarða og B.S.R.B. ofl. Borist hefur bréf dags. 14. nóv. 2000 frá Sambandi ísl. sveitarfélaga ásamt kjarasamningi frá 24. október 2000 við Alþýðusamband Vestfjarða. Ennfremur ný lög um fæðingarorlof og veikindarétt er tekur gildi 1. jan. 2000.

9. Fundargerð sundlaugarnefndar Hólmavíkurhrepps frá 17. nóv. 2000. Lögð fram fundargerð sundlaugarnefndar frá 17. nóvember 2000.

10. Fundargerð almannanefndar Strandasýslu frá 9. nóvember 2000. Lagt fram endurrit úr fundargerðarbók almannanefndar Strandasýslu frá 9. nóv. 2000.

11. Ársreikningur Skólaskrifstofu Vestfjarða fyrir árið 1999. Borist hefur ársreikningur, dags. af endurskoðanda 6. nóv. 2000, Skólaskrifstofu Vestfjarða.

12. Framlög til atvinnuþróunarfélaga. Borist hefur afrit af erindi atvinnuþróunarfélaga til fjárlaganefndar vegna tillögu samdrátt í framlögum til Byggðastofnunar, ásamt bréfi dags. 28. nóv. 2000 sem sent var fjárlaganefnd. Hreppsnefnd tekur undir framkomin sjónarmið og felur sveitarstjóra að senda bréf varðandi málið.

Fundargerð lesin upp og samþykkt.

Fleira ekki gert, fundi slitið kl. 20:10.

Engilbert Ingvarsson. (sign) Eysteinn Gunnarsson. (sign) Birna Richardsdóttir. (sign) Haraldur V. Jónsson. (sign) Þór Örn Jónsson. (sign) Höskuldur B. Erlingsson (sign) Þorsteinn Sigfússon

 
Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur