Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Árið 2000 þriðjudaginn 17. október var haldinn fundur í hreppsnefnd Hólmavíkurhrepps. Eysteinn Gunnarsson oddviti setti fundinn og stjórnaði honum, en auk hans sátu fundinn Haraldur V.A. Jónsson, Elfa Björk Bragadóttir, Birna Richardsdóttir og Þorsteinn Sigfússon, varamaður. Auk þeirra sat fundinn Þór Örn Jónsson sveitarstjóri.

Ritari var Lára Jónsdóttir. Fundurinn var haldinn á skrifstofu hreppsins og hófst hann kl.17.00.

Þetta var gert:

Oddviti kynnti eftirfarandi dagskrá:

1. Umsögn hreppsnefndar vegna stjórnsýslukæru Jóns H. Halldórssonar á sveitarstjóra og hreppsnefnd.

2. Styrkbeiðni frá árshátíðarnefnd starfsmanna Hólmavíkurhrepps.

3. Erindi frá Jóni Guðjónssyni varðandi skráningu á lögheimili.

4. Styrkbeiðni vegna menningaruppákomu tengd verkefninu „Vestfirskar vetrarnætur“.

5. Umsögn um endurnýjun leyfis til sölu gistingar í gistiheimilinu að Borgabraut 4 og gistiskála að Brekkuseli í Hólmavíkurhrepp.

6. Beiðni um styrk til ferðabæklingagerðar frá Atvinnuþróunarfélagi Vestfjarða.

7. Erindi frá Skipulagsstofnun varðandi gerð aðalskipulags fyrir Hólmavíkurhrepp.

8. Þátttaka Hólmavíkurhrepps í verkefninu „Skjólskógar á Vestfjörðum“.

9. Fundargerð byggingar-, skipulags- og umferðarnefndar frá 9. október 2000.

10. Fundargerðir stjórnar Fjórðungssambands Vestfirðinga frá 13., 19, og 21. september sl.

11. Fréttabréf Hagstofu Íslands varðandi búferlaflutninga frá janúar – september 2000.

Oddviti flutti tillögu um afbrigði við boðaða dagskrá um að eftirfarandi mál bættist við:

12.   Bréf frá Önnu Margréti Valgeirsdóttur, trúnaðarmanni kennara Grunnskóla Hólmavíkur.

Þá var gengið til dagskrár:

1. Umsögn hreppsnefndar vegna stjórnsýslukæru Jóns H. Halldórssonar á sveitarstjóra og hreppsnefnd. Borist hefur beiðni frá Félagsmálaráðuneytinu vegna stjórnsýslukæru Jóns H. Halldórssonar. Samþykkt var að senda öll gögn og greinargerð málsins til Félagsmálaráðuneytis til úrskurðar.

2. Styrkbeiðni frá árshátíðarnefnd starfsmanna Hólmavíkurhrepps. Borist hefur bréf frá árshátíðarnefnd starfsmanna Hólmavíkurhrepps um styrkveitingu til niðurgreiðslu aðgangseyris kr. 70.000.- Samþykkt var að veita styrkinn til niðurgreiðslu aðgangseyris á árshátíð starfsmanna Hólmavíkurhrepps.

3. Erindi frá Jóni Guðjónssyni varðandi skráningu á lögheimili. Borist hefur erindi dags. 8. október 2000 frá Jóni Guðjónssyni varðandi skráningu á lögheimili. Samþykkt var að hreppsnefnd telur að Jón Guðjónsson hafi búið á Laugabóli til dagsins í dag. Ákveðið var að fresta þessu máli til næsta fundar.

4. Styrkbeiðni vegna menningaruppákomu tengd verkefninu „Vestfirskar vetrarnætur“. Borist hefur styrkbeiðni frá Atvinnuþróunarfélagi Vestfjarða þann 10. október 2000. Ákveðið var að afþakka tónlistarmennina og styrkja ekki verkefnið.

5. Umsögn um endurnýjun leyfis til sölu gistingar í gistiheimilinu að Borgabraut 4 og gistiskála að Brekkuseli í Hólmavíkurhrepp. Elfa Björk vék af fundi. Borist hefur umsögn um endurnýjun leyfis til sölu gistingar í gistiheimilinu að Borgabraut 4 og gistiskála að Brekkuseli í Hólmavíkurhrepp. Samþykkt var að veita umbeðið leyfi. Elfa Björk kom aftur á fundinn.

6. Beiðni um styrk til ferðabæklingagerðar frá Atvinnuþróunarfélagi Vestfjarða. Borist hefur beiðni dags. 3. október 2000 um fjárframlag vegna þjónustubæklinga, þjónustuhandbók, og kynning á Vestfjörðum. Samþykkt var að veita umbeðið fjárframlag.

7. Erindi frá Skipulagsstofnun varðandi gerð aðalskipulags fyrir Hólmavíkurhrepp. Borist hefur bréf dags. 9. október 2000 frá Skipulagsstofnun varðandi gerð aðalskipulags fyrir Hólmavíkurhrepp. Sveitarstjóra var falið að kanna kostnað.

8. Þátttaka Hólmavíkurhrepps í verkefninu "Skjólskógar á Vestfjörðum“. Borist hefur stutt kynning frá Skjólskógum á Vestfjörðum, ásamt umsókn um þátttöku í verkefninu. Samþykkt var að sækja um þátttöku í verkefninu Skjólskógar á Vestfjörðum.

9. Fundargerð byggingar-, skipulags- og umferðarnefndar frá 9. október 2000. Fundargerð lesin upp og samþykkt að undanskyldu máli nr. 3. sem er umsókn um löggildingu blikksmíðameistara. 3. máli vísað aftur til bygginganefndar.

10. Fundargerð stjórnar Fjórðungssambands Vestfirðinga frá 13., 19., og 21. september sl. Borist hefur fundargerð frá Fjórðungssambandi Vestfirðinga. Lagt fram til kynningar.

11. Fréttabréf Hagstofu Íslands varðandi búferlaflutninga frá janúar – september 2000. Lagt fram til kynningar.

12. Bréf frá trúnaðarmanni kennara Grunnskóla Hólmavíkur. Borist hefur bréf dags. 13. október v/kjaramála kennara. Samþykkt var að haldið verður áfram að greiða eftir núverandi samningum og síðan málið endurskoðað þegar nýir samningar verða gerðir.

Fundargerð lesin upp og samþykkt.

Fleira ekki gert, fundi slitið kl. 19:33.

Lára Jónsdóttir. (sign) Birna Richardsdóttir. (sign) Eysteinn Gunnarsson. (sign) Haraldur V.A. Jónsson. (sign) Þór Örn Jónsson. (sign) Elfa Björk Bragadóttir. (sign) Þorsteinn Sigfússon. (sign)

Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur