Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Árið 2000 þriðjudaginn 12. september var haldinn fundur í hreppsnefnd Hólmavíkurhrepps. Eysteinn Gunnarsson oddviti setti fundinn og stjórnaði honum, en auk hans sátu fundinn Birna Richardsdóttir, Daði Guðjónsson, Haraldur V.A. Jónsson og Elfa Björk Bragadóttir. Auk þeirra sat fundinn Þór Örn Jónsson sveitarstjóri.

Ritari var Engilbert Ingvarsson. Fundurinn var haldinn á skrifstofu hreppsins og hófst hann kl.17.00.

Þetta var gert: 

Oddviti kynnti boðaða dagskrá:

1. Fjallskilaseðill fyrir Hólmavíkurhrepp haustið 2000.

2. Umsókn – samningur um kaup á greiðslumarki lögbýlisins Víðidalsá.

3. Breyting á póstþjónustunni innan Hólmavíkurhrepps, þ.e. Djúpmegin í hreppnum.

4. Félagslegar íbúðir á Vestfjörðum: Nýjar leiðir.

5. Fundargerð byggingar-, skipulags- og umferðarnefndar frá 11. september s.l.

6. Dagskrá 45. Fjórðungsþings Fjórðungssambands Vestfjarða haldið í Súðavík dagana 22.-24. september næstkomandi.

7. Ákvörðun Hollustuverndar ríkisins um starfsleyfi fyrir urðunarstað Sorpsamlags Strandasýslu í landi Skeljavíkur hjá Hólmavík.

8. Bréf Atvinnuþróunarfélags Vestfjarða hf. er varðar þátttöku sveitarstjórna í Atvinnuvegasýningu Vestfjarða 2000.

9. Erindi frá Orkubúi Vestfjarða um lagningu 11 kv. línu frá Þverárvirkjun að bænum Víðidalsá.

10. Fundargerðir skólanefndar Menntaskólans á Ísafirði frá 4. júlí og 1. sept. s.l

11. Bréf frá Menntamálaráðuneytinu er varðar eflingu menningararfs á landsbyggðinni.

12. Bréf Súðavíkurhrepps er varðar borholur í Reykjanesi við Ísafjarðardjúp.

Oddviti flutti tillögu um afbrigði við boðaða dagskrá um að eftirfarandi tvö mál bætist við.

 13.  Málefni Fiskmarkaðar Hólmavíkur

 14.  Vatnsveita Hólmavíkur.

Afbrigði var samþykkt samhljóða með 5 atkvæðum.

Þá var gengið til dagskrár:

1. Fjallskilaseðill fyrir Hólmavíkurhrepp haustið 2000. Lagður fram Fjallskilaseðill haustið 2000. Fjallskilaseðillinn var samþykktur með eftirfarandi breytingar: Leitir á 5. leitarsvæði frá Hvannadalsá að Langadalsá verði 30. september.

2. Umsókn – samningur um kaup á greiðslumarki lögbýlisins Víðidalsá. Drög að samningi um sölu á greiðslumarki 2,3 ærgildi frá Víðidalsá var lagður fram. Samningurinn var samþykktur og sveitarstjóra falið að ganga frá honum og undirrita.

3. Breytingar á póstþjónustu innan Hólmavíkurhrepps, þ.e. Djúpmegin í hreppnum. Borist hefur fregn um að póstþjónustu á Langadalsströnd verði sinnt frá Ísafirði. Samþykkt var að fela sveitarstjóra að senda Íslandspósti bréf og mótmæla slíkri breytingu á póstþjónustunni í samræmi við umræður um málið.

4. Félagslegar íbúðir á Vestfjörðum: Nýjar leiðir. Borist hefur áfangaskýrsla frá Rekstrarráðgjöf ehf. um félagslegar íbúðir á Vestfjörðum, unnið fyrir nefnd um lausn á vanda sveitarfélaga vegna félagslegra íbúða. Málið lagt fram til kynningar.

5. Fundargerð byggingar-, skipulags- og umferðarnefndar frá 12. september s.l. Lögð fram fundargerð B.V.S. frá 12. september. Fundargerðin var samþykkt.

6. Dagskrá 45. Fjórðungsþings Fjórðungssambands Vestfjarða haldið í Súðavík dagana 22.-24. september næstkomandi. Borist hefur bréf dags. 4. sept. 2000 frá Fjórðungssambandi Vestfirðinga ásamt drögum að dagskrá þingsins.

7. Ákvörðun Hollustuverndar ríkisins um starfsleyfi fyrir urðunarstað Sorpsamlags Strandasýslu í landi Skeljavíkur hjá Hólmavík. Borist hefur bréf dags. 31. ágúst 2000 frá Hollustuvernd ríkisins ásamt starfsleyfi fyrir urðunarstað Sorpsamlags Strandasýslu í landi Skeljavíkur hjá Hólmavík.

8. Bréf frá Atvinnuþróunarfélagi Vestfjarða hf. er varðar þátttöku sveitarstjórna í Atvinnuvegasýningu Vestfjarða 2000. Borist hefur bréf dags. 24. ágúst 2000 frá Atvinnuþróunarfélagi Vestfjarða hf. varðandi Atvinnuvegasýninguna 23. og 24. sept. n.k. og þátttöku sveitarfélaga. Samþykkt var að styrkja ekki sýninguna.

9. Erindi Orkubús Vestfjarða um lagningu 11kw línu frá Þverárvirkjun að bænum Víðidalsá. Borist hefur umsókn dags. 31. ágúst 2000 frá O.V. um endurnýjun á Þorpalínu frá Þverárvirkjun. Samþykkt að vísa málinu til byggingar-, skipulags- og umferðarnefndar.

10. Fundargerðir skólanefndar Menntaskólans á Ísafirði frá 4. júlí og 1. september s.l. Borist hafa fundargerðir Menntskólans á Ísafirði frá 4. júlí og 1. sept. s.l.

11. Bréf frá Menntamálaráðuneytinu er varðar eflingu menningararfs á landsbyggðinni. Borist hefur bréf dags. 28. ágúst 2000 frá Menntamálaráðuneytinu varðandi starfshóp til að vinna að tillögum um eflingu menningarstarfs á landsbyggðinni.

12. Bréf frá Súðavíkurhrepp er varðar borholur í Reykjanesi við Ísafjarðardjúp. Borist hefur bréf dags. 28. júní 2000 frá Súðavíkurhreppi varðandi hugsanlega lokun fyrir hitavatnsborholur í Reykjanesi.

13. Málefni Fiskmarkaðar Hólmavíkur. Sveitarstjóri gerði grein fyrir fjárhagsstöðu Fiskmarkaðar Hólmavíkur, sem var lokað 31. ágúst s.l. Ennfremur sagði hann frá viðræðum við eigendur og hugsanlegar aðgerðir til að endurskipuleggja starfsemi Fiskmarkaðarins og áframhaldandi rekstur. Samþykkt var að fela sveitarstjóra að vinna áfram að athugun á málefnum fiskmarkaðarins og kanna leiðir til lausnar.

14. Vatnsveita Hólmavíkur. Heilbrigðisfulltrúi Vestfjarða hefur tilkynnt að fundist hafi í sýnishorni campylobaacter í neysluvatni á Hólmavík. Tekin hafa verið ný sýnishorn á mörgum stöðum og munu niðurstöður úr rannsókn koma eftir 4 daga. Athuganir fara fram um hugsanlega mengun í veitukerfinu.

Fundargerð lesin upp og samþykkt. Fleira ekki gert, fundi slitið kl. 19:20.

Engilbert Ingvarsson. (sign) Birna Richardsdóttir. (sign) Eysteinn Gunnarsson. (sign) Elfa Björk Bragadóttir. (sign) Haraldur V.A. Jónsson. (sign) Þór Örn Jónsson. (sign)

 
Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur