|
Skrifstofa
Fundargerðir
Nefndir
Atvinnulíf
& saga
Þjónusta
Myndir
Tenglar
Aðalsíða
|
946. fundur - 29. ágúst 2000
Árið 2000 þriðjudaginn 29. ágúst var haldinn fundur í
hreppsnefnd Hólmavíkurhrepps. Eysteinn Gunnarsson oddviti setti
fundinn og stjórnaði honum, en auk hans sátu fundinn Daði
Guðjónsson, Elfa Björk Bragadóttir, Haraldur V.A. Jónsson og
Þorsteinn Sigfússon, varamaður. Ritari var Engilbert
Ingvarsson. Fundurinn var haldinn á skrifstofu hreppsins og hófst
hann kl.17.00.
Þetta var gert:
Oddviti kynnti eftirfarandi dagskrá:
-
Kauptilboð í jörðina Víðidalsá.
-
Bréf frá Svavari Péturssyni.
-
Ráðning skrifstofumanns á skrifstofu Hólmavíkurhrepps.
-
Tilboð í sundkeyrslu, haustið 2000.
-
Fundur í húsnæðisnefnd 17. ágúst sl.
-
Samningur um sérfræðiþjónustu við skóla.
-
Boðun 45. Fjórðungsþings Vestfjarða.
-
Fundargerð Framtíðarnefndar frá 27. apríl 2000.
-
Erindi varðandi Tekjustofnanefnd sveitarfélaga.
-
Bréf frá Svæðisskrifstofu málefna fatlaðra á
Vestfjörðum.
Þá var gengið til dagskrár:
-
Kauptilboð í jörðina Víðidalsá. Borist hefur bréf dags.
23. ágúst 2000 ásamt kauptilboði dags. 17. ágúst í
jörðina Víðidalsá frá Fasteignasölunni Hús og hýbýli
e.h.f. Samþykkt var að hafna tilboðinu.
-
Bréf frá Svavari Péturssyni. Borist hefur bréf frá Svavari
Péturssyni dags. 16. ágúst 2000 ásamt kauptilboði frá
Svavari Kára Svavarssyni í hluta fjárhúss á Víðidalsá.
Hólmavíkurhreppi er boðið að nýta forkaupsrétt. Samþykkt
var að hafna forkaupsrétti.
-
Ráðning starfsmanns á skrifstofu Hólmavíkurhrepps. Borist
hefur ein umsókn um starf á skrifstofu Hólmavíkurhrepps frá
Láru Jónsdóttur. Samþykkt var að ráða hana samkvæmt
gildandi kjarasamningum.
-
Tilboð í sundkeyrslu, haustið 2000. Borist hafa 2 tilboð í
akstur á skólabörnum í sundkennslu haustið 2000. Tilboðin
eru frá Tryggva Ólafssyni Drangsnesi og Gunnari S. Jónssyni
Hólmavík. Haraldur lagði til að tilboði Tryggva yrði tekið
og samþykkt var með fjórum samhljóða atkvæðum að ráða
Gunnar S. Jónsson við aksturinn samkvæmt fyrirliggjandi
tilboði.
-
Fundur húsnæðisnefndar 17. ágúst 2000. Lögð fram
fundargerð frá 17. ágúst í húsnæðisnefnd. Fundargerðin
var samþykkt.
-
Samningur um sérfræðiþjónustu við skóla. Lagt fram afrit
af bréfi dags. 15. ágúst 2000 til sveitarstjórna í
Strandasýslu undirritað af sveitarstjóra Þóri Erni Jónssyni
er varðar samning um sérfræðiþjónustu við skóla í
Strandasýslu 2000-2001, ásamt áætlun um
sérfræðiþjónustu við skóla og leikskóla í Strandasýslu.
Hreppsnefnd mælir með áætluninni, en leggur til að miðað
verði við fjórar ferðir og 149 tíma.
-
Boðun 45. Fjórðungsþings Vestfjarða. Borist hefur bréf
dags. 9. ágúst 2000 frá Fjórðungssambandi Vestfirðinga um
boðun 45. Fjórðungsþings dagana 22.-24. september 2000.
-
Fundargerð Framtíðarnefndar frá 27. apríl 2000. Borist
hefur bréf frá Fjórðungssambandi Vestfirðinga dags. 22.
ágúst 2000, ásamt fundargerð Framtíðarnefndar,
Tekjustofnanefndar og dagskrá símenntunar vikuna 4. til 10.
sept. 2000 á Vestfjörðum.
-
Erindi varðandi Tekjustofnanefnd sveitarfélaganna. Borist
hefur bréf dags. 11. október 1999 frá Ísafjarðarbæ til
Félagsmálaráðuneytis og bæjarstjóranum í Bolungarvík frá
mars s.l. varðandi breytingu á tekjustofnum sveitarfélaga.
-
Bréf frá Svæðisskrifstofu málefna fatlaðra á
Vestfjörðum. Borist hefur bréf dags. 14. ágúst 2000 frá
Svæðisskrifstofu málefna fatlaðra er varðar uppbyggingu á
þjónustu fatlaðra í Strandasýslu. Hreppsnefnd lýsir yfir
stuðningi við uppbyggingu á þjónustu við fatlaða í
Strandasýslu og felur sveitarstjóra að koma þeim sjónarmiðum
á framfæri við viðkomandi aðila.
Fundargerð lesin upp og samþykkt. Fleira ekki gert, fundi slitið kl. 18:25.
Engilbert Ingvarsson. (sign) Haraldur V.A. Jónsson. (sign) Daði
Guðjónsson. (sign) Þorsteinn Sigfússon. (sign) Elfa Björk
Bragadóttir. (sign)
|
Sveitarstjóri:
Þór Örn Jónsson
Sveitarstjórn:
Birna Richardsdóttir
Daði Guðjónsson
Elfa Björk Bragadóttir
Eysteinn Gunnarsson
Haraldur V.A. Jónsson
Skrifstofa:
Hólmavíkur-
hreppur
|
