Hólmavíkurhreppur
Hafnarbraut 19, 510 Hólmavík - Sími: 451 3510
|
|
Hólmavíkurhreppur
|
|
|
Ár 2005 24. maí var haldinn
fundur í hreppsnefnd Hólmavíkurhrepps. Fundurinn var
haldinn á skrifstofu hreppsins og hófst hann kl. 17:00.
Haraldur V. A. Jónsson setti fundinn og stjórnaði honum en
auk þess sátu fundinn Elfa Björk Bragadóttir, Valdemar Guðmundsson,
Eysteinn Gunnarsson og Kristín S. Einarsdóttir. Auk þeirra
sat fundinn Ásdís Leifsdóttir sveitarstjóri.
Fundarritari var Engilbert Ingvarsson. Þetta var gert: Oddviti gerði tillögu um afbrigði við
fundargerð að 3 mál verði tekin á dagskrá, það er.
Oddviti kynnti þá dagskrá fundarins í
12 töluliðum, sem var eftirfarandi:
Þá var gengið til dagskrár: 1. Skýrsla nefndar um stefnumótun í atvinnumálum í Hólmavíkurhreppi.
Borist hefur skýrslan “Allir vegir færir”, sem er
stefnumótun í atvinnumálum. Skýrslan er unnin af nefnd sem
var skipuð af Hólmavíkurhreppi í febrúar 2004 og er
undirrituð af níu nefndarmönnum 30. mars 2005. Samþykkt
var samhljóða eftirfarandi ályktun: Hreppsnefnd þakkar störf
nefndarinnar og óskar eftir því að hún starfi áfram.
Hreppsnefndin telur nauðsynlegt að ráðinn verði starfsmaður
til að vinna að atvinnusköpun og byggðaþróun í sveitarfélaginu.
Sveitarstjóra er falið að hafa samband við Atvinnuþróunarfélag
Vestfjarða og leita eftir því að fá starfsmann á svæðið. 2. Beiðni frá Ástþóri Ágústssyni um meðmæli með
kaupum á Múla í Hólmavíkurhreppi. Borist hefur bréf
dags. 17. maí 2005 þar sem hann óskar eftir meðmælum
hreppsnefndar fyrir því að kaupa Múla af jarðadeild ríkisins.
Hreppsnefnd samþykkti samhljóða að hún sjái enga
annmarka á því að Ástþór kaupi jörðina Múla í Hólmavíkurhreppi. 3. Erindi frá Prentleikni ehf vegna kaupa á bókinni
Vesturland og Vestfirðir. Borist hefur tillaga að
kaupsamningi um að Hólmavíkurhreppur kaupi bókina
Vesturland og Vestfirði, sem Prentleikni ehf er að gefa út.
Hreppsnefnd samþykkti samhljóða að kaupa 300 eintök, sem
boðin eru á kr. 289.000. 4. Erindi frá Ísafjarðarbæ um afstöðu hreppsnefndar
Hólmavíkurhrepps um flýtiframkvæmd vegna vegar um Arnkötludal
og Gautsdal. Borist hefur bréf dags. 17. maí 2005 frá Ísafjarðarbæ
um flýtiframkvæmd við Arnkötludalsveg og að sveitarfélög
á norðanverðum Vestfjörðum sameinist um að vinna að fjármögnun
framkvæmda. Hreppsnefnd samþykkri samhljóða að taka jákvætt
undir erindið og óskar eftir viðræðum á fundi sveitarfélaganna
sem fyrst. 5. Erindi frá Skjólskógum um gróðursetningu trjáa
og plöntulagera. Borist hefur bréf dags. 18. maí 2005 frá
Sæmundi Kr. Þorvaldssyni hjá Skjólskógum varðandi framkvæmd
í skógrækt hjá skógarbændum og þar með Hólmavíkurhreppi.
Eftirfarandi var samþykkt samhljóða: Hreppsnefnd
tilnefnir Eystein Gunnarsson og Jensínu Pálsdóttur, sem
framkvæmdaraðila fyrir Hólmavíkurhrepp í verkefninu Skjólskógar
Vestfjarða. 6. Beiðni frá Kvenfélaginu Björk um að Hólmavíkurhreppur
taki yfir eignarhlut kvenfélagsins í Sævangi. Borist hefur
bréf dags. 9. maí 2005 frá kvenfélaginu Björk í fyrrum
Kirkjubólshreppi, en samþykkt hefur verið að leggja félagið
niður og óska eftir að Hólmavíkurhreppur yfirtaki 1/6
eignarhlut í Sævangi. Hólmavíkurhreppur á nú 33% í félagsheimilinu
Sævangi. Hreppsnefnd samþykkir samhljóða að verða við
erindinu og taka við afsali fyrir 6. hluta í Sævangi. 7. Erindi frá Sjóvá-Almennum hf um vátryggingar Hólmavíkurhrepps.
Borist hefur bréf dags. 3. maí 2005 frá Sjóvá-Almennum hf
þar sem óskað er eftir að fá að gera tilboði í vátryggingar
fyrir næstu endurnýjun þeirra. Lagt fram til kynningar. 8. Fundargerðir Menningarmálanefndar dags. 9. maí, 11.
maí, 17. maí og 18. maí sl. Lagðar fram 4 fundargerðir
Menningarmálanefndar. Þar kemur fram að nefndin hefur ásamt
framkvæmdastjóra Bjarna Ómari Haraldssyni unnið að undirbúningi
að hátíð á Hólmavík 30. júní – 3. júlí, sem ber
nafnið “Hamingjudagar á Hólmavík”. Nefndin hefur rætt
við marga aðila og fengið jákvæð viðbjögð, svo undirbúningur
er í eðlilegu horfi. Lagt fram til kynningar. 9. Fundargerð skólanefndar M.Í frá 18. maí sl.
Borist hefur fundargerð 87. fundar Menntaskólans á Ísafirði.
Lagt fram til kynningar. 10. Umsókn um vínveitingaleyfi fyrir Café Riis og
Braggann. Borist hefur umsókn um vínveitingaleyfi dags. 23.
maí fyrir Café Riis og gamla félagsheimilið, Braggann.
Hreppsnefnd samþykkti samhljóða að vínveitingaleyfið sé
veitt að uppfylltum lögboðnum skilyrðum. 11. Fundargerð Félagsmálaráðs frá 23. maí 2005. Lögð
fram fundargerð Félagsmálaráðs. Fundargerðin var samþykkt
samhljóða. 12. Fundargerð Byggingar, umferðar og skipulagsnefndar
Hólmavíkurhrepps frá 23. maí sl. Lögð fram fundargerð
B.U.S frá 23. maí sl. Fundargerðin var samþykkt samhljóða. Fundargerð lesin upp og samþykkt.
Fleira ekki gert og fundi slitið kl. 19:30.
|
|
|
|
HÓLMAVÍKURHREPPUR,
HAFNARBRAUT 19, 510 HÓLMAVÍK |
|
