Hólmavíkurhreppur
Hafnarbraut 19, 510 Hólmavík - Sími: 451 3510
|
|
Hólmavíkurhreppur
|
|
|
Ár 2005 þriðjudaginn 5. apríl 2005
var haldinn fundur í hreppsnefnd Hólmavíkurhrepps.
Fundurinn var haldinn á skrifstofu hreppsins og hófst hann
kl. 17:00. Haraldur V.A. Jónsson oddviti setti
fundinn og stjórnaði honum, en auk hans sátu fundinn
Valdemar Guðmundsson, Hlíf Hrólfsdóttir varamaður,
Eysteinn Gunnarsson og Kristín S. Einarsdóttir. Auk þeirra
sat fundinn Ásdís Leifsdóttir sveitarstjóri. Fundarritari
var Engilbert Ingvarsson. Þetta var gert: Oddviti bar fram tillögu um afbrigði við
dagskrá, að við bætist 16. liður: Erindi um styrkbeiðni
vegna íþróttamóts barna og unglinga í Danmörku og 17. liður:
Fyrirhugaður fundur með þingmönnum Norðvesturkjördæmis. Oddviti kynnti þá dagskrá fundarins,
sem var þessi:
Þá var gengið til dagskrár:
1.
Erindi frá Hagstofu Íslands um breytingar á íbúaskrá.
Borist hefur bréf frá Hagstofu Íslands dags. 3. mars 2005
og dreifibréf til sveitarstjórna dags. sama dag ásamt leiðréttri
íbúaskrá frá 1. des. 2004. Engar athugasemdir komu fram við
íbúaskrána. 2. Erindi frá Snævari Guðmundssyni um uppsögn í skólanefnd.
Borist hefur bréf dags. 1. mars 2005 frá Snævari Guðmundssyni,
þar sem hann óskar að vera leystur frá störfum í skólanefnd
vegna breytinga á búsetu að vetri til. Samþykkt var samhljóða
að kjósa Björn Fannar Hjálmarsson sem aðalmann í skólanefnd
Grunnskóla Hólmavíkur og Hlíf Hrólfsdóttur sem varamann.
3. Erindi frá Benedikt S. Péturssyni, Ingvari Þ. Péturssyni
og Daða Guðjónssyni um niðurfellingu aflagjalda. Borist
hefur bréf dags. 31. mars 2005 frá þremur útgerðarmönnum
á Hólmavík þar sem farið er fram á niðurfellingu aflagjalda
hliðstætt því, sem samþykkt var á síðasta
hreppsnefndarfundi varðandi niðurfellingu aflagjalda hjá Særoða
ehf. Samþykkt var samhljóða að hafna erindinu. 4. Erindi frá Bjarna Ó. Haraldssyni um styrk til kaupa
á hljóðkerfi fyrir Hólmavíkurhrepp. Borist hefur bréf frá
Bjarna Ó. Haraldssyni tónlistarkennara þar sem hann fer
fram á að hreppurinn veiti fjárframlag til að kaupa hljóðkerfi,
sem er til sölu fyrir kr. 400.000.- Samþykkt var
samhljóða að fresta málinu til næsta fundar og frekari
upplýsinga verði leitað. 5. Erindi frá starfsfólki Lækjarbrekku um styrk til
kaupa á merktum flíspeysum. Borist hefur bréf frá skólastjórum
leikskólans þar sem farið er fram á styrk til að kaupa
merktar flíspeysur á starfsfólk skólans. Samþykkt var
samhljóða að veita styrk kr. 1.000.- á hvern starfsmann. 6. Erindi frá Alnæmissamtökum um styrk til fræðslu-
og forvarnarverkefna. Borist hefur bréf dags. 10. mars sl.
varðandi styrk til Alnæmissamtakanna. Samþykkt var samhljóða
að hafna erindinu. 7. Umsókn um námsvist utan lögheimilissveitarfélags.
Samþykkt var samhljóða að verða við beiðni um námsvist
íbúa á Hólmavík annars staðar samkvæmt umsókn. 8. Erindi frá Saman-hópnum um styrk við
forvarnarstarf. Borist hefur bréf dags. Í mars 2005 með beiðni
um styrk til Saman-hópsins. Samþykkt var samhljóða að
hafna erindinu. 9. Erindi frá Sambandi ísl. sveitarfélaga um ráðstefnu
um Staðardagskrá 21. Borist hefur bréf dags. 15. mars 2005
varðandi ráðstefnu, sem haldin verður í Kópavogi 29. apríl
2005 og hefst kl. 9.00. Lagt fram til kynningar. 10. Erindi frá Umhverfisráðuneytinu um dag
umhverfisins 25. apríl nk. Borist hefur bréf dags. 23. mars
2005 frá Umhverfisráðuneyti um umhverfisdag 25. apríl tileinkaðan
þjóðgörðum og náttúruvernd. Lagt fram til kynningar. 11. Fundargerðir Menningarmálanefndar Hólmavíkurhrepps
frá 21. febrúar, og 2., 21. og 30. mars. Lagðar fram 4
fundargerðir frá Menningarmálanefnd Hólmavíkurhrepps.
Fundargerðirnar voru ræddar og ýmsar upplýsingar. Lagt
fram til kynningar. 12. Fundargerð Félagsmálaráðs Hólmavíkurhrepps frá
17. mars sl. Fundargerðin var lögð fram til samþykktar.
13. Fundargerð Atvinnumálanefndar og hafnarstjórn Hólmavíkurhrepps
frá 17. mars sl. Fundargerðin var samþykkt samhljóða. 14. Fundargerð Skipulags-, umferðar- og bygginganefndar
Hólmavíkurhrepps frá 17. mars sl. Lögð fram fundargerð
B.U.S frá 17. mars. Erindi frá Olíufélaginu hf. um
uppsetningu á nýrri dælu var frestað. Fundargerðin var
samþykkt samhljóða. 15. Fundargerð heilbrigðisnefndar frá 4. mars 2005.
Borist hefur bréf dags. 7. mars 2005 frá Heilbrigðisnefnd
Vestfjarða ásamt fundargerð frá 48. fundar heilbrigðisnefndar,
þar sem kynnt er ný gjaldskrá Umhverfisstofnunar. Lagt fram
til kynningar. 16. Erindi um styrkbeiðni vegna íþróttamóts barna og
unglinga í Danmörku. Borist hefur bréf dags. 4. apríl 2005
frá foreldrum tveggja barna, sem eiga þess kost að taka
þátt í íþróttamóti í Danmörku með UMF Kormáki á
Hvammstanga. Farið er fram á styrk til ferðarinnar.
Fram kom tillaga um að veita styrk að upphæð kr. 25.000.-
til tveggja barna sem sækja um ferðastyrkinn. Tillagan var
samþykkt samhljóða. 17. Fyrirhugaður fundur með þingmönnum Norðvesturkjördæmis.
Ákveðið er að hreppsnefndin fari til fundar við þingmenn
Norðvesturkjördæmis sem ákveðinn er kl. 12:00 miðvikudaginn
6. apríl. Fram kom að höfuðerindi til þingmanna eru samgöngumál
og framlögð Samgönguáætlun. Fram kom á fundinum veruleg
óánægja með hversu lítið fjármagn er ætlað til vegamála
á Vestfjörðum og sérstaklega að byrjunarfjárveiting er
ekki fyrr en árið 2008 til Arnkötludalsvegar. Eftirfarandi
tillaga var lögð fram og samþykkt samhljóða: Hreppsnefnd
Hólmavíkurhrepps mótmælir harðlega hugmynd um Vegaáætlun
2004-2008, þar sem ekkert er áætlað af vegafé til Stranda
fyrr en árið 2008 þrátt fyrir að vegurinn um Arnkötludal
sé búinn að fara í umhverfis-og arðsemismat, sem sannar að
hann sé arðbærasti valkosturinn í vegagerð sem völ er á
fyrir leiðina Ísafjörður – Reykjavík. Allur
landflutningur fer nú um Djúpveg 61 frá Brú og er sá
vegur ekki gerður fyrir slíka flutninga og orðinn ónýtur
að stærstum hluta. Fundargerð lesin upp og samþykkt. Fleira ekki gert, fundi slitið kl. 20:10
|
|
|
|
HÓLMAVÍKURHREPPUR,
HAFNARBRAUT 19, 510 HÓLMAVÍK |
|
