Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

        
1051. fundur - 15. mars 2005

Ár 2005 þriðjudaginn 15. mars 2005 var haldinn fundur í hreppsnefnd Hólmavíkurhrepps. Fundurinn var haldinn á skrifstofu hreppsins og hófst hann kl. 17:00.

Haraldur V.A. Jónsson oddviti setti fundinn og stjórnaði honum, en auk hans sátu fundinn Valdemar Guðmundsson, Hlíf Hrólfsdóttir varamaður, Eysteinn Gunnarsson og Kristín S. Einarsdóttir.

Auk þeirra sat fundinn Ásdís Leifsdóttir sveitarstjóri.

Fundarritari var Engilbert Ingvarsson.

Þetta var gert:

Oddviti lagði fram tillögu um afbrigði við boðaða dagskrá: 6. mál verði: Erindi frá Særoða ehf. um niðurfellingu aflagjalda. Afbrigði var samþykkt samhljóða með öllum atkvæðum. 

Oddviti kynnti þá eftirfarandi dagskrá í 6 töluliðum:

• 1. Umsóknir um byggðakvóta.

• 2. Erindi frá Menningarmálanefnd um tillögur á viðburðum í Hólmavíkurhreppi.

• 3. Erindi frá Valdemar Guðmundssyni um tillögur að úrbótum vegna sorphauga Hólmavíkurhrepps.

• 4. Erindi frá Fræðslumiðstöð Vestfjarða um styrk vegna kennslu svæðisleiðsagnar á Vestfjörðum.

• 5. Erindi frá Sambandi íslenskra sveitarfélaga um ráðstefnu um nýmæli í stjórnun sveitarfélaga 1.apríl.

• 6. Erindi frá Særoða ehf. um niðurfellingu aflagjalda.

Þá var gengið til dagskrár:

1. Umsóknir um byggðakvóta. Borist hafa umsóknir um byggðakvóta frá 12 útgerðum í samræmi við auglýsingu frá hreppsnefndinni.  Hreppsnefnd samþykkti samhljóða að leggja til við Sjávarútvegsráðuneytið að 9 bátar fái byggðakvóta, sem skiptist jafnt á milli þeirra. Bátarnir eru eftirtaldir:

• Hallvarður á Horni ST-26, skn.nr. 2161.

• Hilmir ST-1

• Kópnes ST-64

• Straumur ST-65, sk.nr. 2324

• Sæbjörg ST-7, sk.nr. 1054

• Bensi Egils ST-77

• Guðmundur Jónsson ST-17

• Hafbjörg ST-77

• Hlökk ST-66, sk.nr. 2360

2. Erindi frá Menningarmálanefnd um tillögur á viðburðum í Hólmavíkurhreppi. Lagt fram bréf dags. 2. mars 2005 frá Menningarmálanefnd. Spurt er um hugsanleg fjárframlög til nefndarinnar úr hreppssjóði. Lagt er til að ráðinn verði starfsmaður og haldinn bæjarhátíð fyrrihluta sumars. En nefndin leggur fram tillögu í 8 liðum. Kristín S. Einarsdóttir, sem er í nefndinni, gerði grein fyrir hugmyndum sem komið hafa fram í nefndinni. Hreppsnefnd mælir með því að Menningarmálanefndin vinni að því að halda bæjarhátíð og gerir ráð fyrir að nefndin móti frekar starfsgrundvöll og hugsanlegan kostnað sem hlýst af verkefninu.

3. Erindi frá Valdemar Guðmundssyni um tillögur að úrbótum vegna sorphauga Hólmavíkurhrepps. Lagt fram erindi frá Valdemar Guðmundssyni dags. 10. mars, þar sem hann leggur til að beltagrafa eða jarðýta verði fengin til að mölva og pressa niður timburhaug af brettum og jafni niður. Samþykkt var að fela sveitarstjóra að athuga hvort tiltækilegt er að ráða vinnuvél og verktaka til að urða timburúrgang og fleira.

4. Erindi frá Fræðslumiðstöð Vestfjarða um styrk vegna kennslu svæðisleiðsagnar á Vestfjörðum. Borist hefur bréf frá Fræðslumiðstöð Vestfjarða dags. 1. mars 2005 með styrkbeiðni vegna námskeiða. Samþykkt var að hafna erindinu.

5. Erindi frá Sambandi íslenskra sveitarfélaga um ráðstefnu um nýmæli í stjórnun sveitarfélaga 1. apríl. Borist hefur bréf dags. 4. mars 2005 ásamt dagskrá að ráðstefnu Hvernig geta sveitarfélög náð betri árangri með nýjum aðferðum?, sem haldin verður á Hótel Loftleiðum 1. apríl. Lagt fram til kynningar.

6. Erindi frá Særoða ehf. um niðurfellingu aflagjalda. Borist hefur bréf dags. 14. mars 2005 þar sem Særoði fer fram á niðurfellingu aflagjalda vegna fiskvinnslunnar, en fyrirtækið hefur ekki greitt kr. 362.240.- á árunum 1999-2004, sem er til innheimtu. Hreppsnefnd samþykkir samhljóða að fella niður áætlað aflagjald.

 Fundargerð lesin upp og samþykkt.

 Fleira ekki gert, fundi slitið.        

• Engilbert Ingvarsson (sign)

• Haraldur V. Jónsson (sign)

• Hlíf Hrólfsdóttir (sign)

• Valdemar Guðmundsson (sign)

• Eysteinn Gunnarsson (sign)

• Kristín S. Einarsdóttir (sign)

• Ásdís Leifsdóttir (sign)

  
Sveitarstjóri:

Ásdís Leifsdóttir

Sveitarstjórn:

Haraldur V.A. Jónsson

Elfa Björk Bragadóttir

Valdemar Guðmundsson

Eysteinn Gunnarsson

Kristín Einarsdóttir

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur