Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

        
1048. fundur - 1. feb. 2005

Þriðjudaginn 1. febrúar 2005 var haldinn fundur í hreppsnefnd Hólmavíkurhrepps. Fundurinn var haldinn á skrifstofu hreppsins og hófst hann kl. 17:00.

Haraldur V.A. Jónsson oddviti setti fundinn og stjórnaði honum en auk hans sátu fundinn Elfa Björk Bragadóttir, Valdemar Guðmundsson, Eysteinn Gunnarsson og Kristín S. Einarsdóttir. Ennfremur sat fundinn Ásdís Leifsdóttir sveitarstjóri. Fundarritari var Engilbert Ingvarsson.

Þetta var gert:

Oddviti kynnti boðaða dagskrá í 4. töluliðum sem var eftirfarandi:

• 1. Fjárhagsáætlun ársins 2005 og þriggja ára áætlun, önnur umræða.

• 2. Breytingar á úthlutunarreglum vegna byggðakvóta.

• 3. Erindi frá Félagi áhugamanna um varðveislu á Kópnesi, Hólmavík.

• 4. Erindi frá Vegagerðinni um sæluhús á Þorskafjarðarheiði.

Þá var gengið til dagskrár:

1. Fjárhagsáætlun ársins 2005 og þriggja ára áætlun, fyrri umræða.   Frumvarp að fjárhagsáætlun Hólmavíkurhrepps fyrir árið 2005 var tekið fyrir til seinni umræðu. Fjárhagsáætlun var samþykkt samhljóða ásamt tillögum sveitarstjóra um hækkun á þjónustugjöldum um 5-10%.  Samþykkt var að afsláttur á fasteignaskatti eldri borgara af eigin húsnæði verði tekjutengdur samkvæmt tillögu sveitarstjóra.  Fjárhagsáætlun 2005 gerir ráð fyrir eignfærðum fjárfestingum að upphæð krónur 13.200.000.- og að nýtt langtímalán verði tekið á árinu að upphæð krónur 30.000.000.- og samþykkt að heimila sveitastjóra að taka lánið. Þriggja ára áætlun 2006 til 2008 var tekin til seinni umræðu og var hún samþykkt samhljóða.  

2. Breytingar á úthlutunarreglum vegna byggðakvóta. Lagt fram bréf sveitarstjóra um að breyta úthlutunarreglum samkvæmt ábendingum skrifstofustjóra Sjávarútvegsráðuneytis samkvæmt símtali. Talið er nauðsynlegt að breyta þeim reglum sem samþykktar voru á fundi hreppsnefndar 11. janúar sl. um úthlutun byggðakvóta. Samþykkt var samhljóða að breyta áður samþykktum reglum um úthlutun byggðakvóta á eftirfarandi hátt:

1. Á eftir orðunum „atvinnu af fiskveiðum“ komi: og/eða vinnslu sl. fiskveiðiár.

2. Eftirfarandi setning orðist svo eftir breytingu: Ekki koma til greina þær útgerðir sem leigt eða selt hafa kvóta frá sér á síðasta fiskveiðiári eða landað hafa afla utan heimahafnar nema um sjóskaða hafi verið að ræða eða stórkostleg vélarbilun.

3. Erindi frá Félagi áhugamanna um varðveislu á Kópnesi, Hólmavík.  Borist hefur bréf dags. 12. janúar 2005 frá Félagi áhugamanna um varðveislu á Kópnesi. Í bréfinu koma fram nokkrar upplýsingar um málið og svaraði Eysteinn fyrirspurnum, en vék síðan af fundi við afgreiðslu málsins þar sem hann er félagsmaður áhugamannafélagsins.  Fram kom að ekki liggur fyrir kostnaðraáætlun á fyrirhugaðri endurbyggingu. Tillaga kom fram um að styrkja verkefnið með kr. 100.000.- gegn því að kostnaðaráætlun og reikningar fyrir framkvæmdakostnað liggi fyrir. Tillagan var samþykkt með 3 atkvæðum gegn 1.

4. Erindi frá Vegagerðinni um sæluhús á Þorskafjarðarheiði. Borist hefur bréf dags. 20. janúar 2005 frá Vegagerðinni varðandi endurnýjun á sæluhúsi á Þorskafjarðarheiði. Samþykkt var að fela sveitarstjóra að svara bréfinu í samræmi við umræður á fundinum.  

Fundargerð lesin upp og samþykkt. Fleira ekki gert, fundi slitið kl. 18:35

• Engilbert Ingvarsson (sign)

• Haraldur V. A. Jónsson (sign)

• Elfa Björk Bragadóttir (sign)

• Valdemar Guðmundsson (sign)  

• Kristín S. Einarsdóttir (sign)

• Eysteinn Gunnarsson (sign)

• Ásdís Leifsdóttir (sign)

  
Sveitarstjóri:

Ásdís Leifsdóttir

Sveitarstjórn:

Haraldur V.A. Jónsson

Elfa Björk Bragadóttir

Valdemar Guðmundsson

Eysteinn Gunnarsson

Kristín Einarsdóttir

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur