|
1047. fundur - 25. jan. 2005
Þriðjudaginn 25. janúar 2005 var
haldinn fundur í hreppsnefnd Hólmavíkurhrepps. Fundurinn
var haldinn á skrifstofu hreppsins og hófst hann kl. 17:00.
Haraldur V.A. Jónsson oddviti setti
fundinn og stjórnaði honum en auk hans sátu fundinn Elfa Björk
Bragadóttir, Valdemar Guðmundsson, Eysteinn Gunnarsson og Már
Ólafsson varamaður. Ennfremur sat fundinn Ásdís Leifsdóttir
sveitarstjóri. Fundarritari var Engilbert Ingvarsson.
Þetta var gert:
Oddviti flutti tillögu um afbrigði við
boðaða dagskrá að tveir dagskrárliðir bætist við, það
er:
Afbrigði var samþykkt samhljóða með
öllum atkvæðum.
Oddviti kynnti þá dagskrá í 9. töluliðum
sem var eftirfarandi:
-
1.
Fjárhagsáætlun ársins 2005 og þriggja ára áætlun,
fyrri umræða.
-
2.
Erindi frá Kristbjörgu L. Árnadóttur frá Skjaldfönn.
-
3.
Skipun í Menningarmálanefnd Hólmavíkurhrepps.
-
4.
Erindi frá Lánasjóði sveitarfélaga um ný lög um sjóðinn.
-
5.
Erindi frá Gunnlaugi Sighvatssyni vegna úthlutunar byggðakvóta
hjá Hólmavíkurhreppi.
-
6.
Fundargerð Félagsmálaráðs frá janúar 2005.
-
7.
Fundargerð Skólanefndar Grunnskólans og Tónskólans á
Hólmavík frá 13. janúar 2005.
-
8.
Kynningarfundur- skýrsla Verkefnisstjórnar um byggðaáætlun
Vestfjarða.
-
9.
Tafabætur vegna byggingar Íþróttamiðstöðvar.
Þá var gengið til dagskrár:
1. Fjárhagsáætlun ársins 2005 og þriggja ára áætlun,
fyrri umræða. Sveitarstjóri lagði fram Frumvarp að fjárhagsáætlun
Hólmavíkurhrepps 2005 og þriggja ára áætlun 2006-2008,
ásamt skýringum. Þar kemur fram að gert er ráð fyrir
nokkrum hækkunum á ýmsum gjöldum til hreppsins. Gert er ráð
fyrir fjárfestingum við sparkvöll, vatnsveitu og löndunarkrana,
tengingu varaafls og Félagsheimilis og vatnslagna í Grunnskóla
Hólmavíkur samtals kr. 13.200.000.- Eftir útskýringar
sveitarstjóra og fyrirspurnir fundarmanna var samþykkt að vísa
Fjárhagsáætlun 2005 til annarrar umræðu. Þriggja ára
áætlun 2006-2008 var rædd og samþykkt samhljóða að vísa
henni til annarrar umræðu.
2. Erindi frá Kristbjörgu L. Árnadóttur frá Skjaldfönn.
Borist hefur bréf dags. 18. janúar 2005 frá Kristbjörgu L.
Árnadóttur, sem á tvö börn í Grunnskóla Hólmavíkur. Sækir
hún um styrk vegna kostnaðar við uppihald þeirra við
heimilishald á Hólmavík. Samþykkt var samhljóða að fela
sveitarstjóra að ná samkomulagi um lausn á erindinu.
3. Skipun í Menningarmálanefnd Hólmavíkurhrepps.
Stungið var upp á níu nöfnum til setu í Menningarmálanefnd
og voru kosnir eftirtaldir 5 sem aðalmenn:
Varamenn í nefndina voru kosnir:
4. Erindi frá Lánasjóði sveitarfélaga um ný lög um
sjóðinn. Borist hefur bréf dags. 12. janúar 2005 frá Lánasjóði
sveitarfélaga ásamt lögum nr. 136/2004 um Lánasjóð
sveitarfélaga sem er breyting á lögunum. Lagt fram til
kynningar.
5. Erindi frá Gunnlaugi Sighvatssyni vegna úthlutunar
byggðakvóta hjá Hólmavíkurhreppi. Borist hefur bréf
dags. 30. desember 2004 frá Gunnlaugi Sighvatssyni framkvæmdastjóra
Hólmadrangs ehf. þar sem sótt er um þann byggðakvóta,
sem Hólmavíkurhreppur hefur til úthlutunar. Einnig hefur
borist bréf frá sama aðila dags. 13. janúar 2005 er „varðar
tillögu að úthlutunarreglu um byggðakvóta.“ Samþykkt
var samhljóða að fela sveitarstjóra að svara bréfunum í
samræmi við umræður hreppsnefndarmanna.
6. Fundargerð Félagsmálaráðs frá janúar 2005. Lögð
fram fundargerð Félagsmálaráðs Hólmavíkurhrepps frá
12. janúar. Fundargerðin var samþykkt samhljóða.
7. Fundargerð Skólanefndar Grunnskólans og Tónskólans
á Hólmavík frá 13. janúar 2005. Lögð fram fundargerð
skólanefndar frá 13. jan. sl. Fundargerðin var samþykkt
samhljóða.
8. Kynningarfundur - skýrsla Verkefnisstjórnar um byggðaáætlun
Vestfjarða. Borist hefur dagskrá um kynningarfund sem
haldinn verður í Stjórnsýsluhúsinu á Ísafirði þann 2.
febrúar nk. um byggðaáætlun Vestfjarða á vegum Iðnaðar-
og viðskiptaráðuneytis. Lagt fram til kynningar.
9. Tafabætur vegna byggingar Íþróttamiðstöðvar.
Samkvæmt útboðsgögnum er heimild til að fá tafabætur frá
verktaka fyrir drátt sem varð á verklokum umfram það sem
umsamið var í samningi um byggingu Íþróttamiðstöðvarinnar.
Sveitarstjóri leggur til að farið verði fram á dagsektir.
Samþykkt var samhljóða að fela sveitarstjóra að kanna rétt
Hólmavíkurhrepps til þess að innheimta tafabætur.
Fundargerð lesin upp og samþykkt.
Fleira ekki gert, fundi slitið kl. 19:10.
-
Engilbert Ingvarsson (sign)
-
Haraldur V. A. Jónsson (sign)
-
Elfa Björk Bragadóttir (sign)
-
Valdemar Guðmundsson (sign)
-
Már Ólafsson (sign)
-
Eysteinn Gunnarsson (sign)
-
Ásdís Leifsdóttir (sign)
|
