Hólmavíkurhreppur
Hafnarbraut 19, 510 Hólmavík - Sími: 451 3510
|
|
Hólmavíkurhreppur
|
|
|
Ár 2004 þriðjudaginn 7. desember 2004
var haldinn fundur í hreppsnefnd Hólmavíkurhrepps.
Fundurinn var haldinn á skrifstofu hreppsins og hófst hann
kl. 17:00. Haraldur V.A. Jónsson oddviti setti
fundinn og stjórnaði honum en auk hans sátu fundinn
Valdemar Guðmundsson, Eysteinn Gunnarsson, Kristín S.
Einarsdóttir og Björn Hjálmarsson varamaður. Auk þeirra
sat fundinn Ásdís Leifsdóttir sveitarstjóri. Fundarritari
var Engilbert Ingvarsson. Þetta var gert: Oddviti kynnti boðaða dagskrá í 7 tölulíðum, sem var eftirfarandi: 1. Tillögur verkefnisstjórnar um sameiningu sveitarfélaga
í Strandasýslu. 2. Erindi frá Fjórðungssambandi Vestfirðinga um markaðsmál
ferðaþjónustunnar. 3. Erindi frá Hagstofu Íslands vegna skráningu íbúa
1. desember 2004. 4. Erindi frá Fannsóknum og Ráðgjöf um styrk vegna
gerðar Sögukorts Vestfjarða. 5. Erindi frá Leið ehf. vegna umhverfismats nýs vegar
um Arnkötludal og Gautsdal. 6. Erindi frá Láru G. Agnarsdóttur til hreppsnefndar Hólmavíkurhrepps. 7. Skýrsla sveitarstjóra. Þá var gengið til dagskrár: 1. Tillögur verkefnisstjórnar um sameiningu sveitarfélaga
í Strandasýslu. Í tillögum verkefnisstjórnar er gert ráð
fyrir sameiningu allra sveitarfélaga í Strandasýslu nema Bæjarhrepps.
Óskað er umsagnar hreppsnefndar Hólmavíkur, sem á að
skila fyrir 10. desember. Sveitarstjóri lagði fram frumdrög
að umsögn hreppsnefndar. Í umræðum kom fram að forsenda
fyrir möguleikum á sameiningu sveitarfélaga í Strandasýslu
og hugsanlega Austur-Barðastrandasýslu væru bættar samgöngur
og verulegar vegaframkvæmdir, svo að heilsárs samgöngur
verði tryggðar í nýju sveitarfélagi. Á fundinum var
samin umsögn hreppsnefndar og var sveitarstjóra falið að
ganga endanlega frá henni og senda til verkefnisstjórnar um
eflingu sveitarstjórnarstigsins. 2. Erindi frá Fjórðungssambandi Vestfirðinga um markaðsmál
ferðaþjónustunnar. Borist hefur bréf dags. 24. nóvember
2004 frá Fjórðungssambandinu, ásamt tillögum vegna markaðs-
og kynningaraðgerða fyrir Ferðamálasamtök Vestfjarða frá
Atvinnuþróunarfélagi Vestfjarða. Stjórn Fjórðungssambands
Vestfirðinga leggur til að sveitarfélög á Vestfjörðum
leggi fjármagn til markaðsskrifstofu ferðamála, samtals að
upphæð kr. 7.025.000.- og hlutur Hólmavíkurhrepps af þeirri
upphæð verði kr. 442.929.- Eftirfarandi var samþykkt
samhljóða: Hreppsnefnd sér ekki ávinning í að taka þátt
í verkefninu að svo stöddu. 3. Erindi frá Hagstofu Íslands vegna skráningu íbúa
1. desember 2004. Borist hefur bréf dags. 2. des 2004 frá
Hagstofu Íslands, ásamt tilkynningu um lögheimilisflutninga
úr og til hreppsins á árinu. Skilafrestur til árlegrar íbúaskrár
1. des. er til 8. desember 2004. Lagt fram til kynningar. 4. Erindi frá Fannsóknum og Ráðgjöf um styrk vegna
gerðar Sögukorts Vestfjarða. Borist hefur bréf dags. 11. nóvember
2004 frá Rannsóknum og ráðgjöf ferðaþjónustunnar, sem
undirbúa útgáfu sögukorta á Vestfjörðum. Sótt er um að
Hólmavíkurhreppur styrki útgáfuna með kr. 250.000.- Samþykkt
var samhljóða að styrkja verkefnið, ef heildarfjármögnun
fæst. 5. Erindi frá Leið ehf. vegna umhverfismats nýs vegar
um Arnkötludal og Gautsdal. Borist hefur bréf dags. 24. nóvember
frá Leið ehf. varðandi umhverfismat nýs vegar um Arnkötludal
og Gautsdal. Bréfið er sent il 26 hagsmunaaðila, sem eiga
kost á að gera athugasemdir við umhverfismatið.
Hreppsnefnd samþykkti samhljóða að gera engar athugasemdir
við fyrirhugaðan veg um Arnkötludal. 6. Erindi frá Láru G. Agnarsdóttur til hreppsnefndar Hólmavíkurhrepps.
Borist hefur bréf dags. 15. nóv. 2004 frá Láru G. Agnarsdóttur
þar sem hún lýsir óánægju með viðhorf samtaka sveitarfélaga
í samningum við kennara. Hefur hún hugleitt að segja upp
störfum vegna þess. Fjórir kennarar hafa sagt upp störfum
við Grunnskólann á Hólmavík. Lagt fram til kynningar. 7. Skýrsla sveitarstjóra. Lögð fram skýrsla frá
sveitarstjóra um eftirfarandi: 1. Málefni Íþróttamiðstöðvarinnar Hólmavík og
gjaldtaka fyrir tíma. 2. Gagntilboð í Austurtún 10 kr. 4.800.000.- hefur
verið samþykkt. 3. Fundur verður haldinn 9. desember með hreppsnefndum
í Strandasýslu um byggðaáætlun. 4. Beiðni um hækkun á gjaldi fyrir skólaakstur. 5. Fjárhagsáætlun fyrir 2005 liggur ekki fyrir, vegna
óvissu um útgjöld og hvort rekstur stendur undir sér m.a.
vegna kjarasamninga kennara. Eftirfarandi
var samþykkt samhljóða: Íþróttamiðstöðin
Hólmavík verði tekin formlega í notkun og þriggja manna
nefnd sjái um það. Fulltrúi frá hreppsnefnd í nefndinni
verður Valdemar Guðmundsson, en auk hans óskast tilnefndir
í nefndina einn frá Umf. Geislanum og annar frá Grunnskólanum
og sjái hún um undirbúning. Gjald
fyrir notkun á íþróttasal kr. 5.000.- pr. klst. og
notkun á badmintonvelli kr. 2.000.- á hvern einstakan. Fundur þann 9. desember verður á Sævangi. Þar verður kynnt starf Verkefnisstjórnar um byggðaáætlun fyrir Vestfirði og hefst fundurinn kl. 14.30. En kl. 13.00 mun Jóhann B. Arngrímsson funda með sveitarstjórnarmönnum vegna málefna Heilbrigðisstofnunar Hólmavíkur. Kannað
verði hvað önnur sveitarfélög hafa borgað skólabílstjórum
í verkfalli kennara. En bindandi samningur er um skólaakstur
í Skjaldfannardal. Fundargerð lesin upp og samþykkt. Fleira ekki gert, fundi slitið kl. 19:45.
|
|
|
|
HÓLMAVÍKURHREPPUR,
HAFNARBRAUT 19, 510 HÓLMAVÍK |
|
