Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

        
1043. fundur - 16. nóv. 2004

Ár 2004 þriðjudaginn 16. nóvember 2004 var haldinn fundur í hreppsnefnd Hólmavíkur. Fundurinn var haldinn á skrifstofu hreppsins og hófst hann kl. 17:00.

Haraldur V.A. Jónsson oddviti setti fundinn og stjórnaði honum en auk hans sátu fundinn Valdemar Guðmundsson, Kristín S. Einarsdóttir og varamennirnir Daði Guðjónsson og Hlíf Hrólfsdóttir. Fundarritari var Engilbert Ingvarsson.

Þetta var gert:

Oddviti leitaði afbrigða um að taka fyrir 7. mál á dagskrá: Uppsagnir kennara og var það samþykkt samhljóða.

Varaoddviti kynnti þá boðaða dagskrá í 7 töluliðum, sem var eftirfarandi:

• 1. Málefni Íþróttamiðstöðar Hólmavíkurhrepps.

• 2. Tilboð í íbúðir Hólmavíkurhrepps.

• 3. Erindi um stuðnig við Snorraverkefnið 2005.

• 4. Erindi frá Samtökum ferðaþjónustunnar um lengingu ferðatímans.

• 5. Fundargerð 25. fundar samstarfsnefndar frá 4. október s.l.

• 6. Fundargerðir 83. og 84. fundar skólanefndar MÍ frá 20 september og 25. október s.l.

• 7. Uppsagnir kennara.

Þá var gengið til dagskrár:

1. Málefni Íþróttamiðstöðar Hólmavíkurhrepps. Lagt fram “Samantekt á kostnaði við 2. áfanga Íþróttamiðstöðvar á Hólmavík”. Kemur þar fram sundurgreining á viðbótarkostnaði. Einnig fylgir með úttekt á íþróttamiðstöðinni frá 8. nóvember 2004. Borist hafa 15 tillögur að nafni á íþróttamiðstöðinni. Lagt fram til kynningar. Hreppsnefnd samþykkti samhljóða að nafn á íþróttamiðstöðinni verði “Íþróttamiðstöðin Hólmavík”.

2. Tilboð í íbúðir Hólmavíkurhrepps. Borist hefur bréf dags. 8. nóvember 2004 frá Þórunni Einarsdóttur þar sem hún gerir tilboð í íbúð að Austurtúni 10 að upphæð kr. 4.600.000.- Hún gerir athugasemdir um vatnslagnir og fleira í íbúðinni. Tvö tilboð bárust í íbúð að Austurtúni 12 að upphæð kr. 5.400.000.- og kr. 5.300.000.- Samþykkt var samhljóða að gera Þórunni gagntilboð, sem gildir til 28. nóvember nk. að upphæð kr. 4.800.000.- Samþykkt var samhljóða að taka hærra tilboði kr. 5.400.000.- frá Hannibal Helgasyni og Sjöfn Helgadóttur, í Austurtún 12.

3. Erindi um stuðning við Snorraverkefnið 2005. Borist hefur erindi dags. 1. nóvember 2004 frá Snorraverkefni, Óðinsgötu 7, Reykjavík um styrk. Samþykkt var að hafna erindinu.

4. Erindi frá Samtökum ferðaþjónustunnar um lengingu ferðatímans.   Borist hefur bréf dags. 3. nóvember 2004 frá Samtökum ferðaþjónustunnar þar sem minnt er á það að þörf er á að lengja ferðatímann yfir maí og september. Lagt fram til kynningar.

5. Fundargerð 25. fundar samstarfsnefndar frá 4. október sl. Borist hefur bréf dags. 26. október 2004 frá Sambandi ísl. sveitarfélaga ásamt fundargerð 25. fundar samstarfsnefndar frá 4. október sl. Lagt fram til kynningar.

6. Fundargerðir 83. og 84. fundar skólanefndar MÍ frá 20 september og 25. október sl. Borist hafa fundargerðir Menntaskólans á Ísafirði. Lagt fram til kynningar.

7. Uppsagnir kennara. Borist hafa 5 uppsagnir frá kennurum við Grunnskólann á Hólmavík. Fram kom í umræðum að kennarar hafa mætt til vinnu í þessari viku og kennsla hefur farið fram með eðlilegum hætti í Grunnskólanum. Eftirfarandi bókun var samþykkt samhljóða:
 
Hreppsnefnd Hólmavíkurhrepps harmar fram komnar uppsagnir kennara við Grunnskólann á Hólmavík. Jafnframt lýsir hreppsnefnd yfir mikilli ánægju með allt starfsfólk grunnskólans og vel unnin störf þess og þann stöðugleika sem ríkt hefur undanfarin ár í starfsmannahaldi.
 
Tillaga að bókun var lögð fram af oddvita.

Fundargerð lesin upp og samþykkt.

Fleira ekki gert, fundi slitið kl. 18:40.

• Engilbert Ingvarsson (sign)

• Haraldur V. A. Jónsson (sign)

• Hlíf Hrólfsdóttir (sign)

• Valdemar Guðmundsson (sign)

• Daði Guðjónsson (sign)

• Kristín S. Einarsdóttir (sign)

  
Sveitarstjóri:

Ásdís Leifsdóttir

Sveitarstjórn:

Haraldur V.A. Jónsson

Elfa Björk Bragadóttir

Valdemar Guðmundsson

Eysteinn Gunnarsson

Kristín Einarsdóttir

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur