Ár 2004 þriðjudaginn 21. september var
haldinn fundur í hreppsnefnd Hólmavíkur. Fundurinn var
haldinn á skrifstofu hreppsins og hófst hann kl. 17:00.
Haraldur V.A. Jónsson oddviti setti
fundinn og stjórnaði honum en auk hans sátu fundinn Elfa Björk
Bragadóttir, Eysteinn Gunnarsson, Hlíf Hrólfsdóttir varamaður
og Már Ólafsson varamaður. Auk þeirra sat fundinn Ásdís
Leifsdóttir sveitarstjóri. Fundarritari var Engilbert
Ingvarsson.
Varaoddviti kynnti boðaða dagskrá
fundarins í 6. töluliðum:
1. Ársreikningur
Hólmavíkurhrepps vegna ársins 2003, seinni umræða. Ársreikningur
2003, sundurliðun á ársreikningi og skýrsla um endurskoðun
á ársreikningi liggur fyrir. Samkvæmt ársreikningi er
eigið fé og skuldir samtals kr. 582.201.258.- þar af
eiginfjárreikningur 290.317.232.- og skuldir 219.884.026.-
Íbúar voru 1. des. 2003 494 og eru skuldir því kr.
590.858.- á hvern íbúa hreppsins. Spurt var um lista yfir
afskrifaðar kröfur og var hann lagður fram, með þeim
leiðréttingarfærslum, sem höfðu farið fram í bókhaldi
fyrir árið 2003.
Fram kom í skýslu
endurskoðanda að sömu aðilar skulda oft þjónustugjöld
hjá hinum ýmsu stofnunum og að einstakir starfsmenn
sveitarfélagsins hafi fengið fjárhæðir í
fyrirframgreidd laun auk þess að skulda sveitarfélaginu
vegna seldrar þjónustu. Fram kom í umræðunni að
fyrirframgreiðslur og aðrar skuldir við sveitarsjóð sem
geta skoðast sem lánafyrirgreiðsla á ekki að eiga sér
stað og slíkt þurfi að leiðrétta hið fyrsta.
Ársreikningur
2003 var borinn upp og samþykktur samhljóða með öllum
atkvæðum, með þeim fyrirvara að skoðunarmenn hreppsins
hafi ekki athugasemdir fram að færa við ársreikninginn.
Hreppsnefnd gerir
athugasemd við seinagang við gerð ársreiknings og hversu
endurskoðandi hefur verið seinn með sína vinnu og væntir
þess að slíkt endurtaki sig ekki á næsta ári.
2. Fyrirhugaður
fundur með fjárlaganefnd 27. september 2004. Sveitarstjóri
upplýsti að fyrirhugaður fundur með fjárlaganefnd verður
mánudaginn 27. september kl. 10:45. Hreppsnefnd var sammála
um að leggja höfuðáherslu á þrjú mál:
1. Fjárveitingu
í vegarlagningu um Arnkötludal og Gautsdal.
2. Bætt fjárskiptasamband.
3. Framlag kr.
35 milljónir til Héraðsskjalasafns.
Ennfremur var rætt
um að ræða við Siglingamálastofnun um framkvæmdir við
Hólmavíkurhöfn.
3. Beiðni um
kaup á 8 tölvum fyrir Grunnskóla Hólmavíkur ásamt
tilboði í fjármögnun þeirra. Sveitarstjóri gerði
grein fyrir erindi skólastjóra grunnskólans, en hann lagði
fram tilboð um að hver tölvukassi kostaði kr. 55.625.-,
en lyklaborð og skjáir frá eldri tölvum yrði notuð áfram.
Erindið var samþykkt samhljóða.
4. Erindi frá
Reyni Bergsveinssyni ásamt beiðni um greiðslur fyrir
minka veidda í Hólmavíkurhreppi. Borist hefur bréf dags.
28. ágúst 2004 frá Reyni Bergsveinssyni varðandi verðlaun
fyrir minkaveiðar í Langadalsá með svokallaðri síu. Með
erindinu fylgir skýrsla um árangur við veiðar í þennan
búnað hans. Samþykkt var að hafna erindinu og sveitarstjóra
falið að svara bréfinu.
5. Beiðni frá
Svavari Sigurðssyni um fjárstyrk til baráttu gegn fíkniefnainnflutningi
og sölumennsku. Borist hefur bréf dags. 3. september 2004
með beiðni um styrk. Samþykkt var að hafna erindinu.
6. Svarbréf frá
Sambandi ísl. sveitarfélaga vegna erindis Félags meindýraeyða.
Borist hefur bréf dags. 2. september 2004, sem er afrit af
svarbréfi til Félags meindýraeyða frá 29. júní 2004.
Lagt fram til kynningar.
Fundargerð lesin upp og samþykkt.
Fleira ekki gert, fundi slitið kl. 19:20
