|
1028. fundur - 30. mars 2004
Ár 2004 þriðjudaginn 30. mars var
haldinn fundur í hreppsnefnd
Hólmavíkurhrepps. Fundurinn var haldinn á skrifstofu
hreppsins og hófst hann
kl. 17.00.
Haraldur V.A. Jónsson oddviti setti
fundinn og stjórnaði honum en auk hans sátu fundinn
Eysteinn Gunnarsson, Kristín S. Einarsdóttir, Elfa Björk
Bragadóttir og Hlíf Hrólfsdóttir varamaður. Einnig sat
fundinn Ásdís Leifsdóttir sveitarstjóri. Fundarritari var
Engilbert Ingvarsson.
Þetta var gert:
Oddviti gerði tillögu um afbrigði við
boðaða dagskrá um að 10. liður bætist
við: Bréf Fjórðungssambands Vestfirðinga um skipan í
nefnd um framkvæmd
byggðaáætlunar fyrir Vestfirði. 11. Fundargerð
eftirlitsnefndar um byggingu
íþróttamiðstöðvar.
Oddviti kynnti þá eftirfarandi dagskrá:
-
1. Erindi frá Fjórðungssambandi
Vestfirðinga um tillögur um sameiningarkosti sveitarfélaga
á svæðinu.
-
2. Erindi frá
Guðmundi O. Sigurðssyni um að halda tvær greinar í
Vestfjarðavíkingnum á Hólmavík ásamt styrkbeiðni
vegna keppninnar.
-
3. Erindi frá
Gunnari Þórðarsyni um endurupptöku á styrkbeiðni
vegna
endurbyggingar Björnshúss.
-
4. Styrkbeiðni
frá Briddsfélagi Hólmavíkur vegna firmakeppni félagsins
árið 2004.
-
5. Skýrsla
sveitarstjóra.
-
6. Beiðni frá
Fjórðungssambandi Vestfirðinga um vinnu sveitarfélaga
við
endurskoðun byggðaáætlunar.
-
7. Erindi frá
Heilbrigðiseftirliti Vestfjarða vegna veitingar á
starfsleyfi
fyrir kræklingaeldi í Steingrímsfirði.
-
8. Fundargerð
Félagsmálaráðs Hólmavíkurhrepps dags. 18. mars 2004.
-
9. Fundargerð
Bygginga-, umferðar- og skipulagsnefndar Hólmavíkurhrepps
dags. 22. mars 2004.
-
10. Bréf Fjórðungssambands
Vestfirðinga um skipan í nefnd um framkvæmd byggðaáætlunar
fyrir Vestfirði.
-
11. Fundargerð
eftirlitsnefndar um byggingu íþróttamiðstöðvar á Hólmavík.
Þá var gengið til dagskrár:
1. Erindi frá Fjórðungssambandi
Vestfirðinga um tillögur um sameiningarkosti
sveitarfélaga á svæðinu. Borist hefur bréf dags. 8. mars
2004 frá Fjórðungssambandi Vestfirðinga þar sem óskað
er eftir afstöðu sveitarfélaga á Vestfjörðum til erindis
sameiningarnefndarinnar um að Fjórðungssambandið taki að
sér vinnslu tillagna um sameiningarkosti. Óskað er svars
fyrir 7. apríl. Með bréfinu kom bréf dags. 19. febrúar
frá nefnd um sameiningu sveitarfélaga.
Hreppsnefnd samþykkir samhljóða að taka jákvætt í
erindið og felur sveitarstjóra að svara því.
2. Erindi frá Guðmundi O. Sigurðssyni
um að halda tvær greinar í Vestfjarðavíkingnum á Hólmavík
ásamt styrkbeiðni vegna keppninnar. Borist
hefur bréf frá Guðmundi Otra, þar sem óskað er eftir
styrk að upphæð kr.
120.000.- til að hluti kraftakeppni verði haldinn á Hólmavík
á næsta sumri.
Samþykkt var að verða við erindinu og sveitarstjóra falið
að leita eftir
frekari upplýsingum.
3. Erindi frá Gunnari Þórðarsyni um
endurupptöku á styrkbeiðni vegna
endurbyggingar Björnshúss. Borist hefur bréf frá Gunnari
Þórðarsyni tónlistarmanni dags. 12. mars 2004 þar sem
hann ítrekar styrkbeiðni frá 30. ágúst 2001. Samþykkt
var að fresta erindinu en sveitarstjóra falið að undirbúa
tillögu að reglum til að úthluta styrkjum til
endurbyggingar gamalla húsa og leggja fyrir næsta
hreppsnefndarfund.
4. Styrkbeiðni frá Briddsfélagi Hólmavíkur
vegna firmakeppni félagsins árið
2004. Borist hefur umsókn um styrk í bréfi dags. 24. mars
frá Briddsfélagi
Hólmavíkur. Samþykkt var samhljóða að veita félaginu
styrk að upphæð kr.
20.000.-
5. Skýrsla sveitarstjóra. Sveitarstjóri
lagði fram skýrslu um nokkur mál sem eru í athugun og koma
til með að þurfa að afgreiðast í hreppsnefnd fyrr eða síðar.
Eftirfarandi var samþykkt:
1. Samþykkt var að auglýsa Austurtún
2 til sölu til viðbótar við þær íbúðir sem eru á söluskrá.
2. Samþykkt var að fela sveitarstjóra
að undirbúa fund í Reykjavík hjá ráðuneytum og með alþingismönnum
kjördæmisins.
6. Beiðni frá Fjórðungssambandi
Vestfirðinga um vinnu sveitarfélaga við
endurskoðun byggðaáætlunar. Borist hefur bréf frá Fjórðungssambandinu
dags. 15. mars 2004, varðandi tillögur hreppsnefndar við
endurskoðun
byggðaáætlunar fyrir Vestfirði. Samþykkt var að vísa
erindinu til nefndar
Hólmavíkurhrepps í stefnumótun atvinnumála og fela henni
að taka málið til
athugunar.
7. Erindi frá Heilbrigðiseftirliti
Vestfjarða vegna veitingar á starfsleyfi
fyrir kræklingaeldi í Steingrímsfirði. Borist hefur
starfsleyfi til kræklingaeldis á Steingrímsfirði samkvæmt
umsókn Ólafs Björns Halldórssonar á Hólmavík. Lagt fram
til kynningar.
8. Fundargerð Félagsmálaráðs Hólmavíkurhrepps
dags. 18. mars 2004. Lögð fram fundargerð Félagsmálaráðs
frá 18. mars 2004. Fundargerðin var samþykkt samhljóða.
9. Fundargerð Bygginga-, umferðar- og
skipulagsnefndar Hólmavíkurhrepps
dags. 22. mars 2004. Lögð fram fundargerð B.U.S. Fundargerðin
var
samþykkt samhljóða.
10. Bréf Fjórðungssambands Vestfirðinga
um skipan í nefnd um framkvæmd
byggðaáætlunar fyrir Vestfirði. Lagt fram bréf frá Fjórðungssambandinu
um
skipan fulltrúa í nefnd frá hreppsnefndum í Strandasýslu
til setu í byggðaáætlunarnefnd Vestfjarða. Samþykkt var
að tilnefna Ásdísi Leifsdóttur
sveitarstjóra í nefndina og fela henni að hafa sambandi við
oddvita í sýslunni.
11. Fundargerð eftirlitsnefndar um
byggingu íþróttamiðstöðvar á Hólmavík.
Lögð fram fundargerð dags. 23. mars 2004 um framkvæmd
byggingar
íþróttamiðstöðvar undirritað af sveitarstjóra og
hreppsnefndarmönnum, sem
fjalla um málefnið. Fundargerðin var samþykkt samhljóða.
Fundargerð lesin upp og samþykkt. Fleira
ekki gert, fundi slitið kl. 19:15. Engilbert
Ingvarsson (sign)
Haraldur V. A. Jónsson (sign)
Elfa Björk Bragadóttir (sign)
Hlíf Hrólfsdóttir (sign)
Eysteinn Gunnarsson (sign)
Kristín S. Einarsdóttir (sign)
Ásdís Leifsdóttir (sign)
|
