|
1018. fundur - 11. nóv. 2003
Ár 2003 þriðjudaginn 11. nóvember
2003 var haldinn fundur í hreppsnefnd
Hólmavíkurhrepps. Fundurinn var haldinn á skrifstofu
hreppsins og hófst
hann kl. 17.00. Haraldur V.A. Jónsson oddviti setti fundinn
og stjórnaði
honum, en auk hans sátu fundinn Elfa Björk Bragadóttir,
Valdemar
Guðmundsson, Eysteinn Gunnarsson og Kristín S. Einarsdóttir.
Auk þeirra
sat fundinn Ásdís Leifsdóttir sveitarstjóri. Ennfremur mætti
til fundarins
Kristján Jónasson löggiltur endurskoðandi og endurskoðandi
Hólmavíkurhrepps. Fundarritari var Engilbert Ingvarsson.
Þetta var gert:
Oddviti kynnti eftirfarandi dagskrá í
9. töluliðum sem var eftirfarandi:
-
1. Ársreikningur Hólmavíkurhrepps,
fyrri umræða.
-
2. Erindi frá Fjórðungssambandi
Vestfirðinga um stefnu í menningarmálum á
Vestfjörðum og samstarfssamning sveitarfélaga.
-
3. Erindi frá Félagsmálaráðuneytinu
um tekjustofna sveitarfélaga.
-
4. Erindi frá verkefnisstjórn átaks
í sameiningarmálum sveitarfélaga.
-
5. Beiðni um styrk til
endurbyggingar á gömlum hákarlahjalli.
-
6. Bréf frá iðnaðar- og viðskiptaráðuneyti
um nýtingarleyfi.
-
7. Fundargerð 16. fundar
Launanefndar sveitarfélaga.
-
8. Erindi um stuðning við
Snorraverkefnið sumarið 2004.
-
9. Tilboð í gerð Íþróttamiðstöðvar
2. áfanga.
Þá var gengið til dagskrár:
1. Ársreikningur Hólmavíkurhrepps,
fyrri umræða. Lagður fram
ársreikningur Hólmavíkurhrepps fyrir árið 2002. Kristján
Jónasson
endurskoðandi gerði grein fyrir ársreikningnum og nýjum
reikningsskilareglum, sem tóku gildi frá og með þessu ári,
og skiptir honum
í A og B hluta. Kristján fór yfir tölulegar niðurstöður
í einstökum
málaflokkum og ræddi þær breytingar sem verða við nýtt
fyrirkomulag í
reikningsskilaaðferð og vegna sameiningar við Kirkjubólshrepp.
Eftir
umræður og fyrirspurnir, sem Kristján svaraði var samþykkt
samhljóða að vísa
Ársreikningi Hólmavíkurhrepps 2002 til 2. umræðu. Kristján
vék af fundi, en
var kynnt bókun áður.
2. Erindi frá Fjórðungssambandi
Vestfirðinga um stefnu í menningarmálum á
Vestfjörðum og samstarfssamning sveitarfélaga. Borist hefur
bréf frá
Fjórðungssambandi Vestfirðinga dags. 30. okt. 2003 ásamt
tillögum starfshóps frá 6. september 2003 um
"Samstarfssamningur sveitarfélaga á Vestfjörðum um
menningarmál". Málið lagt fram til kynningar, en
afgreiðslu frestað til næsta fundar.
3. Erindi frá Félagsmálaráðuneytinu
um tekjustofna sveitarfélaga. Borist
hefur bréf dags. 31. október 2003 varðandi niðurfellinga eða
afslátt á
fasteignaskatti. Lagt fram til kynningar.
4. Erindi frá verkefnisstjórn átaks í
sameiningarmálum sveitarfélaga.
Borist hefur bréf dags. 28. október 2003 varðandi
kynningarfundi um framgang sameiningarátaks sveitarfélaga.
Lagt fram til kynningar.
5. Beiðni um styrk til endurbyggingar á
gömlum hákarlahjalli. Borist hefur
bréf dags. 23. október 2003 frá Gautshamri ehf. um styrk
til að byggja upp
hákarlahjall utarlega á Selströnd. Samþykkt var að veita
styrk að upphæð
kr. 10.000.-
6. Bréf frá iðnaðar-og viðskiptaráðuneyti
um nýtingarleyfi. Borist hefur
bréf dags. 23. okt. 2003 varðandi neitun á nýtingarleyfi
á borholum
Tóftardrangs ehf. Lagt fram til kynningar.
7. Fundargerð 16. fundar Launanefndar
sveitarfélaga. Borist hefur bréf
dags. 29. október 2003 frá Sambandi ísl. sveitarfélaga ásamt
fundargerð frá
29. október, samstarfsnefndar og Launanefndar sveitarfélaga.
Lagt fram til
kynningar.
8. Erindi um stuðning við
Snorraverkefnið sumarið 2004. Borist hefur bréf
dags. 31. október 2003 varðandi stuðning við
Snorraverkefni 2004. Samþykkt var að hafna verkefninu.
9. Tilboð í gerð Íþróttamiðstöðvar
2. áfanga. Lögð fram bókun dags. 7.
nóvember 2003 þar sem tilboð í 2. áfanga Íþróttamiðstöðvar
voru opnuð.
Tilboðsgjafar voru þessir: Ágúst og Flosi, Múrkraftur og
Trésmiðja Guðmundar Friðrikssonar. Eftir nokkrar umræður
var málinu frestað. Lagt fram til kynningar.
Fundargerð lesin upp og samþykkt.
Fleira ekki gert, fundi slitið kl. 19:15.
Engilbert Ingvarsson (sign), Haraldur
V.A. Jónsson (sign), Elfa Björk Bragadóttir (sign),
Valdemar Guðmundsson (sign), Eysteinn Gunnarsson (sign),
Kristín S. Einarsdóttir (sign), Ásdís Leifsdóttir (sign)
|
