|
1016. fundur - 14. okt. 2003
Ár 2003 þriðjudaginn 14. október var
haldinn fundur í hreppsnefnd Hólmavíkurhrepps. Fundurinn
var haldinn á skrifstofu hreppsins og hófst hann kl. 17.00.
Haraldur V.A. Jónsson oddviti setti fundinn og stjórnaði
honum, en auk hans sátu fundinn Elfa Björk Bragadóttir,
Valdemar Guðmundsson, Kristín S. Einarsdóttir, Daði
Guðjónsson varamaður. Auk þeirra sat fundinn Ásdís
Leifsdóttir sveitarstjóri. Fundarritari var Elfa Björk
Bragadóttir.
Þetta var gert:
Oddviti kynnti eftirfarandi dagskrá í
10 liðum samkvæmt fundarboði:
1. Erindi frá Hólmadrangi ehf. um afslátt á
vatnsgjaldi.
2. Erindi frá Foreldrafélagi leikskóla um aukið framkvæmdafé.
3. Fyrirhugaðar framkvæmdir við útihús á Víðidalsá.
4. Kauptilboð í félagslegar leiguíbúðir Hólmavíkurhrepps.
5. Útboð á öðrum áfanga sundlaugar og íþróttahúss.
6. Byggðakvóti fyrir fiskveiðiárið 2003-2004.
7. Erindi frá leið ehf. um veg um Arnkötludal –
Gautsdal.
8. Bréf frá Sambandi ísl. sveitarfélaga um úrskurð Félagsmálaráðuneytisins
um tekjustofna sveitarfélaga.
9. Fundargerð Heilbrigðisnefndar frá 26. sept. 2003.
10. Fundargerð Launanefndar sveitarfélaga frá 26.
september 2003.
Þá var gengið til dagskrár:
1. Erindi frá Hólmadrangi ehf. um afslátt á
vatnsgjaldi: Borist hefur bréf dags. 30. september 2003 þar
sem óskað er eftir 25% afslætti frá núverandi verði á
vatnsskatti. Jafnframt er óskað eftir því að aflestur
af mælum sé tíðari en nú. Samþ. samhljóða að lækka
vatnsskatt úr 13.33 kr./tonn í 10 kr./tonn. Einnig samþ.
að álestur verði mánaðarlega.
2. Erindi frá Foreldrafélagi leikskóla um aukið framkvæmdafé:
Borist hefur bréf dags. 7. október 2003 þar sem tíundaður
er aðbúnaður barnanna á leikskólanum. Einnig er óskað
eftir því að lóðin verði lagfærð. Til að fylgja
eftir erindinu vilja foreldrar boða sveitarstjóra og
hreppsnefnd til fundar á leikskólanum miðvikudaginn 15.
október nk. kl. 21. Þar sem búið er að auglýsa að
hreppsnefnd mæti á fundinn til skrafs og ráðagerða verða
hreppsnefndarmenn að mæta ásamt sveitarstjóra. Hvað varðar
aukið framkvæmdafé þá vísast það til næstu fjárhagsáætlunar.
3. Fyrirhugaðar framkvæmdir við útihús á Víðidalsá:
Fyrir liggur minnisblað til hreppsnefndar frá sveitarstjóra,
jafnframt grófleg kostnaðaráætlun og teikning af hestastíum.
Miðað við það tilboð má áætla gróflega að
heildarkostnaður gæti numið allt að 1.600.000.- kr.
m/vsk. Leggur sveitarstjóri til að þeir sem vilja leigja
sér pláss fyrir hross leggi fram vinnu við að koma útihúsinu
í gott horf en Hólmavíkurhreppur greiði efnið, með töku
láns þegar efniskostnaður liggur fyrir. Var það samþ.
og verður málið tekið fyrir er kostnaður liggur fyrir.
4. Kauptilboð í félagslegar leiguíbúðir Hólmavíkurhrepps:
Borist hafa fjögur tilboð í fjórar eignir. Ákveðið að
fjalla um hvert tilboð fyrir sig.
1. Tilboð frá Arnari Jónssyni og Hildi Guðjónsdóttur
í Víkurtún 17 að fjárhæð kr. 3.800.000.- Samþykkt.
Haraldur tók ekki afstöðu að eigin ósk vegna tengsla við
viðkomandi.
2. Tilboð frá Þresti Áskelssyni og Kristínu
Sigmundsdóttur kr. 3.400.000.- í Víkurtún 13 sem var
hafnað en gagntilboð kr. 3.800.000.- var samþykkt.
3. Tilboð frá Sigríði Einarsdóttur í Austurtún 12
kr. 4.200.000.- Samþykkt að gera Sigríði gagntilboð kr.
4.600.000.- Kristín Einarsdóttir vék af fundi á meðan.
4. Tilboð frá Kristjóni Þorkelssyni og Ásdísi
Leifsdóttur í Austurtún 6, 4.600.000.- Samþykkt að taka
tilboðinu. Ásdís vék af fundi á meðan.
Þeim tilboðum
sem tekið var, var tekið með fyrirvara um að Varasjóður
húsnæðislána samþykki kaupin.
5. Útboð á öðrum áfanga sundlaugar og íþróttahúss:
Framkvæmdum við fyrsta áfanga er að ljúka og er áætlað
að verklok á öðrum áfanga verði lokið 15. apríl
2004. Verið er að ganga frá útboðsgögnum hjá Arkís
og verða þau líklega tilbúin í þessari viku. Samþykkt
að hafa lokað útboð og það verði 5 fyrirtæki sem fái
útboðsgögn: Grundarás ehf. Hólmavík, Trésmiðja
Guðmundar Friðrikssonar Grundarfirði, Ágúst og Flosi Ísafirði,
Múrkraftur Ísafirði, Trésmiðjan Eik Tálknafirði.
Ákveðið var að tilboðum sé skilað inn fyrir kl. 13 föstudaginn
7. nóvember nk. á skrifstofu Hólmavíkurhrepps. Útboðin
verði opnuð í framhaldi af því. Áskilið að taka hvaða
tilboði sem er eða hafna öllum.
6. Byggðakvóti fyrir fiskveiðiárið 2003-2004: Haldinn
var fundur með útgerðaraðilum sem til greina koma vegna
úthlutunar á byggðakvóta. Var það gert til að fá að
heyra þeirra sjónarmið. Jafnframt kom þar fram að
vilji er fyrir því að sveitarfélagið setji úthlutunarreglur.
Samþykkt að sækja um byggðakvóta skv. 4. grein reglugerðar
um úthlutun á 1.500 þorskígildislestum til stuðnings sjávarbyggðum
8. ágúst 2003.
7. Erindi frá Leið ehf. um veg um Arnkötludal –
Gautsdal: Borist hefur bréf dags. 9. október 2003 um veg
milli Hólmavíkur og Gilsfjarðar um Arnkötludal og
Gautsdal – einkafjármögnun. Lagt fram til
kynningar en verður tekið upp síðar vegna upplýsinga
sem komu fram á fundinum.
8. Bréf frá Sambandi ísl. sveitarfélaga um úrskurð Félagsmálaráðuneytisins
um tekjustofna sveitarfélaga: Borist hefur bréf frá
Sambandi íslenskra sveitarfélaga dags. 26. sept. 2003 um
heimildarákvæði 4. og 5. mgr. laga nr. 4/1995 um
tekjustofna sveitarfélaga. Lagt fram til kynningar.
9. Fundargerð Heilbrigðisnefndar frá 26. sept. 2003:
Borist hefur fundargerð Heilbrigðisnefndar frá 26.
september 2003. Lagt fram til kynningar.
10. Fundargerð Launanefndar sveitarfélaga frá 26.
september 2003: Borist hefur fundargerð 59. fundar
samstarfsnefndar Launanefndar sveitarfélaga og Félags
leikskólakennara frá 29. september 2003. Lagt fram til
kynningar.
Fundargerð lesin upp og samþykkt.
Fleira ekki gert, fundi slitið kl. 19:20.
Haraldur V.A. Jónsson (sign), Valdemar
Guðmundsson (sign), Daði Guðjónsson (sign), Kristín S.
Einarsdóttir (sign), Elfa Björk Bragadóttir (sign), Ásdís
Leifsdóttir (sign).
|
