|
1015. fundur - 30. sept. 2003
Ár 2003 þriðjudaginn 30. september var
haldinn fundur í hreppsnefnd Hólmavíkurhrepps. Fundurinn
var haldinn á skrifstofu hreppsins og hófst hann kl. 17.00.
Haraldur V.A. Jónsson oddviti setti fundinn og stjórnaði
honum, en auk hans sátu fundinn Elfa Björk Bragadóttir,
Kristín S. Einarsdóttir, Hlíf Hrólfsdóttir varamaður og
Már Ólafsson varamaður. Auk þeirra sat fundinn Ásdís
Leifsdóttir sveitarstjóri. Fundarritari var Engilbert
Ingvarsson.
Þetta var gert:
Oddviti kynnti eftirfarandi dagskrá í 7
liðum samkvæmt fundarboði:
1. Erindi frá Snævari Guðmundssyni um greiðslu
heimavistargjalds á síðasta skólaári.
2. Bréf frá Hafnasambandi sveitarfélaga vegna
hafnafundar 31. október 2003.
3. Tilboð frá Tætingu ehf. um tætingu á núverandi
timburhaug við urðunarstað.
4. Málefni Skipulags-, umferðar- og bygginganefndar.
5. Fundargerð Húsnæðisnefndar Hólmavíkurhrepps dags.
25. september 2003.
6. Fundargerð Félagsmálaráðs Hólmavíkurhrepps dags.
29. september 2003.
7. Fundargerð Skipulags-, umferðar- og bygginganefndar Hólmavíkurhrepps
dags. 29. september 2003.
Þá var gengið til dagskrár:
1. Erindi frá Snævari Guðmundssyni um greiðslu
heimavistargjalds á síðasta skólaári: Tekið fyrir
erindi Snævars Guðmundssonar, mál 3 á hreppsnefndarfundi
26. ágúst 2003, en var frestað þá. Oddviti lagði
til að Snævari verði greidd krafan um heimavistargjald að
upphæð kr. 124.776.- Tillagan var samþykkt með 3 atkv.
gegn 2.
2. Bréf frá Hafnasambandi sveitarfélaga vegna
hafnafundar 31. október 2003: Borist hefur bréf dags. 19.
september 2003 frá Hafnasambandi sveitarfélaga ásamt
fundarboði og dagskrá ársfundar Hafnasambands sveitarfélaga,
sem verður haldinn í Reykjavík 31. október 2003.
3. Tilboð frá Tætingu ehf. um tætingu á núverandi
timburhaug við urðunarstað: Borist hefur tilboð dags.
15. september 2003 frá Tætingu ehf. að upphæð kr.
1.437.312.- eða kr. 2,40 á kg. til að tæta timbur sem
hefur safnast upp í úrgangi. Samþykkt var að hafna tilboðinu.
4. Málefni Skipulags-, umferðar- og bygginganefndar: Lagt
fram minnisblað dags. 25. september frá sveitarstjóra um
kosningu nýrra manna í Bygginga-, umferðar-og
skipulagsnefnd vegna brottflutnings fulltrúa. Varamaður í
nefndina var kosinn Már Ólafsson í stað Dagnýjar Júlíusdóttur.
5. Fundargerð Húsnæðisnefndar Hólmavíkurhrepps dags.
25. september 2003: Lögð fram fundargerð Húsnæðisnefndar
Hólmavíkurhrepps frá 25. sept. sl. Fundargerðin
var samþykkt samhljóða.
6. Fundargerð Félagsmálaráðs Hólmavíkurhrepps dags.
29. september 2003: Lögð fram fundargerð Félagsmálaráðs
29. sept. sl. Fundargerðin var samþykkt samhljóða.
7. Fundargerð Skipulags-, umferðar- og bygginganefndar Hólmavíkurhrepps
dags. 29. september 2003: Lögð fram fundargerð S.U.B frá
29. sept. sl. Fundargerðin lesin upp og samþykkt.
Fundargerð lesin upp og samþykkt.
Fleira ekki gert, fundi slitið kl. 18:15
.
Engilbert Ingvarsson (sign),
Haraldur V.A. Jónsson (sign), Elfa Björk Bragadóttir (sign),
Hlíf Hrólfsdóttir (sign), Már Ólafsson (sign), Kristín
S. Einarsdóttir (sign), Ásdís Leifsdóttir (sign).
|
