|
1012. fundur - 12. ágúst 2003
Ár 2003 þriðjudaginn 12. ágúst var
haldinn fundur í hreppsnefnd Hólmavíkurhrepps. Fundurinn
var haldinn á skrifstofu hreppsins og hófst hann kl. 17.00.
Haraldur V. A. Jónsson oddviti setti fundinn og stjórnaði
honum, en auk hans sátu fundinn Elfa Björk Bragadóttir,
Valdemar Guðmundsson, Eysteinn Gunnarsson og varamaðurinn
Ingibjörg Emilsdóttir, auk þeirra sat fundinn Ásdís
Leifsdóttir sveitarstjóri.
Fundarritari var Engilbert Ingvarsson.
Þetta var gert:
Oddviti kynnti dagskrá fundarins í 10 töluliðum:
-
1. Erindi frá Vegagerðinni
vegna Djúpvegar frá Forvaða að Þorpum.
-
2. Kjörbréf fulltrúa
á 48. Fjórðungsþing Vestfirðinga.
-
3. Erindi frá Samtökum
ferðaþjónustunnar dags. 20. júní 2003.
-
4. Styrkbeiðni frá
Golfklúbbi Hólmavíkur.
-
5. Fyrirspurn um
atvinnustefnu Hólmavíkurhrepps.
-
6. Tillögur um lausn á
húsnæðisvanda Hólmavíkurhrepps.
-
7. Fundargerðir 13. og
14. fundar Launanefndar sveitarfélaga og Kjarna og 54. og
55. fundar Launanefndar sveitarfélaga og Kennarasambands
Íslands.
-
8. Fundargerð Heilbrigðisnefndar
frá 20. júní 2003.
-
9. Fundargerð stjórnar
íþróttahúss og félagsheimilis frá 11. ágúst.
-
10. Trúnaðarmál
Þá var gengið til dagskrár:
1. Erindi frá Vegagerðinni
vegna Djúpvegar frá Forvaða að Þorpum: Borist hefur bréf
dags. 2. júlí 2003 frá Vegagerðinni þar sem sótt er um
framkvæmdaleyfi til efnistöku vegna lagningar Djúpvegar
frá hreppamörkum við Forvaða í Kollafirði að bænum
Þorpum. Umbeðið framkvæmdaleyfi var samþykkt samhljóða.
2. Kjörbréf fulltrúa á 48. Fjórðungsþing Vestfirðinga:
Eftirtaldir munu sækja fjórðungsþingið: Haraldur V. A.
Jónsson, Elfa Björk Bragadóttir, Eysteinn Gunnarsson,
Kristín S. Einarsdóttir og Ásdís Leifsdóttir sveitarstjóri.
3. Erindi frá samtökum ferðaþjónustunnar dags. 20. júní
2003: Borist hefur bréf frá Samtökum ferðaþjónustunnar
varðandi rekstur í opinberu húsnæði. Lagt fram
til kynningar.
4. Styrkbeiðni frá Golfklúbbi Hólmavíkur:
Borist hefur bréf dags. 4. júlí 2003 frá Golfklúbbi Hólmavíkur
með beiðni um styrk til uppbyggingar íþróttamannvirkja
á Skeljavíkurgrundum. Samþykkt var að vísa
erindinu til næstu fjárhagsáætlunar.
5. Fyrirspurn um atvinnustefnu Hólmavíkurhrepps: Borist
hefur bréf dags. 2. ágúst 2003 frá Sævari
Benediktssyni, með fyrirspurn um atvinnustefnu
hreppsnefndar og hvaða aðgerðum hún hyggst beita sér
fyrir til að efla atvinnulíf á svæðinu.
Hreppsnefndin var sammála um að færa Sævari þakkir
fyrir erindið og mun taka málið til umfjöllunar innan tíðar.
6. Tillögur um lausn á húsnæðisvanda Hólmavíkurhrepps:
Borist hefur bréf dags. 17. júlí 2003 frá Þorsteini
Sigfússyni varðandi húsnæðisvanda Hólmavíkurhrepps og
leggur til að húsnæði skólans og félagsheimilisins verði
nýtt betur áður en ráðist er í kaup á nýju húsnæði,
sem ekki er vitað hvaða kostnað hefði í för með sér
í framtíðinni. Hreppsnefnd færir Þorsteini þakkir
fyrir ábendingar í bréfinu og samþykkir að áfram verði
unnið að því að leysa húsnæðisvanda hreppsins.
7. Fundargerðir 13. og 14. fundar Launanefndar sveitarfélaga
og Kjarna og 54. og 55. fundar Launanefndar sveitarfélaga
og Kennarasambands Íslands: Borist hefur bréf dags. 4. júlí
2003 frá Sambandi ísl. sveitarfélaga ásamt
tilgreindum fundargerðum. Lagt fram til kynningar.
8. Fundargerð Heilbrigðisnefndar frá 20. júní 2003:
Borist hefur bréf dags. 23. maí 2003 frá Heilbrigðisfulltrúa,
ásamt fundargerð 36. fundar heilbrigðisnefndar. Lagt fram
til kynningar.
9. Fundargerð stjórnar íþróttahúss og félagsheimilis
frá 11. ágúst: Fundargerðin borin upp og samþykkt
samhljóða.
10. Trúnaðarmál: Trúnaðarmál fært í trúnaðarbók.
Fundargerð lesin upp og samþykkt.
Fleira ekki gert, fundi
slitið kl. 18:50
.
Elfa Björk Bragadóttir (sign), Haraldur
V.A. Jónsson (sign), Ingibjörg Emilsdóttir (sign), Eysteinn
Gunnarsson (sign), Valdemar Guðmundsson (sign),
Ásdís Leifsdóttir (sign).
|
