|
1010. fundur - 3. júní 2003
Ár 2003 þriðjudaginn 3. júní var
haldinn fundur í hreppsnefnd Hólmavíkurhrepps. Fundurinn
var haldinn á skrifstofu hreppsins og hófst hann kl. 17.00.
Haraldur V. A. Jónsson oddviti setti fundinn og stjórnaði
honum, en auk hans sátu fundinn Elfa Björk Bragadóttir,
Kristín S. Einarsdóttir, Valdemar Guðmundsson og Már Ólafsson
varamaður. Auk þeirra sat fundinn Ásdís Leifsdóttir
sveitarstjóri. Fundarritari var Engilbert Ingvarsson.
Þetta var gert:
Oddviti lagði fram tillögu um afbrigði
við boðaða dagskrá, um að 7. mál yrði tekið á dagskrá:
Refa- og minkaeyðing. Var það samþykkt samhljóða.
Dagskrá var því eftirfarandi:
1.
Lánsþörf Hólmavíkurhrepps árið 2003.
2.
Fundargerð skólanefndar Grunnskóla og Tónskóla Hólmavíkurhrepps
dags. 27. maí 2003.
3.
Bréf Olíufélagsins varðandi innkeyrslu inn á lóð þeirra
samkvæmt nýju skipulagi.
4.
Bréf Félagsmálaráðuneytisins um nýjar leiðbeiningar
fyrir félagsmálanefndir.
5.
Fundargerð 187. fundar Launanefndar sveitarfélaga dags.
14. maí 2003.
6.
Málefni íþróttamiðstöðvar Hólmavíkur.
7.
Refa-og minkaveiðar.
Þá var gengið til dagskrár:
1.
Lánsþörf Hólmavíkurhrepps árið 2003: Lagt fram
minnisblað sveitarstjóra þar sum lagt er til að Hólmavíkurhreppur
taki lán í nafni hreppsins, með útgáfu skuldabréfs að
upphæð kr. 50.000.000.- til 25 ára. Lántakan samþykkt
samhljóða.
2.
Fundargerð skólanefndar Grunnskóla og Tónskóla Hólmavíkurhrepps
dags. 27. maí 2003: Lögð fram fundargerð skólanefndar
frá 27. maí sl. Hreppsnefnd samþykkir að hafna afgreiðslu
skólanefndar á 3. máli (2. liður dagskrár) um skólaakstur
að Djúpi og heimavist næsta vetur, en sveitarstjóra er
falið að leggja fyirr næsta hreppsnefndarfund tillögu
til lausnar á málinu. Staðfest er ráðning kennara að Tónskóla,
sem er Bjarni Ómar Haraldsson og kennara að Grunnskóla Hólmavíkur,
sem er Jórunn Helena Jónsdóttir. Fundargerð var samþykkt
þannig.
3.
Bréf Olíufélagsins varðandi innkeyrslu inn á lóð þeirra
samkvæmt nýju skipulagi: Borist hefur bréf dags. 14. maí
2003 frá Olíufélaginu ehf. og bréf dags. 16. maí 2003
frá kaupfélagi Steingrímsfjarðar, þar sem fram koma
athugasemdir við deiliskipulag varðandi aðkomu að Essó-skála
og bílastæði við lóð verslunar KSH. Einnig liggur
fyrir bréf byggingarfulltrúa frá 16. maí, sem er umsögn
um bréf KSH. Hreppsnefnd fellst á sjónarmið
byggingarfulltrúa og Vegagerðarinnar og telur að málið
sé afgreitt, en fer fram á að hraðahindrun verði áfram.
4.
Bréf Félagsmálaráðuneytisins um nýjar leiðbeiningar
fyrir félagsmálanefndir: Borist hefur bréf dags. 15. maí
2003 frá Félagsmálaráðuneytinu varðandi nýjar reglur
og námskeið fyrir sveitarstjórnarmenn og félagsmálanefndir
innan skamms. Lagt fram til kynningar.
5.
Fundargerð 187. fundar Launanefndar sveitarfélaga dags.
14. maí 2003: Borist hefur bréf dags. 15. maí 2003 ásamt
fundargerð Launanefndar sveitarfélaga 187. fundi 14. maí
2003. Lagt fram til kynningar.
6.
Málefni íþróttamiðstöðvar Hólmavíkur: Lagt fram
minnisblað sveitarstjóra um byggingaframkvæmdir íþróttamiðstöðvar.
Samþykkt var að fallast á að verktaki Guðmundur Friðriksson
skili 1. áfanga í síðasta lagi 15. ágúst n.k.
7.
Refa- og minkaveiðar: Samþykkt var að fyrirkomulag refa-
og minkaveiða verði með sama hætti og síðastliðið ár.
Fundargerð lesin upp og samþykkt.
Fleira ekki gert, fundi slitið kl. 19:15.
Engilbert Ingvarsson (sign), Haraldur
V.A. Jónsson (sign), Elfa Björk Bragadóttir (sign), Már
Ólafsson (sign), Valdemar Jónsson (sign), Kristín S.
Einarsdóttir (sign), Ásdís Leifsdóttir (sign).
|
